DÍLI----Grupu Organizasaun ba Kooperasaun no Dezenvolvimentu Ekonómiku (OCED), hala’o enkontru ho Xefí Governu Taur Matan Ruak, hodi aprezenta misaun servisu ne’ebé hala’o iha Trimor-Leste hodi halo Avalisaun Rotéiru Organizasaun ba Futuru Sustentável iha Timor-Leste.

Tuir Koordenadór Unidade Planeamentu Monitorizasaun no Avaliasaun (UPMA) Brigida Soares hatete Objetivu hasoru no enkotru xefí governu iha misaun ida hodi Koopera Ekonómia ba Dezenvolvimentu ne’ebé mak apoiu husi doadór sira.

Objetivu hasoru malu ho Primeiru Ministru (PM) Taur Matan Ruak ne’e, tanba ita nia misaun ida mai husi Kooperasaun Ekonómia ba Dezenvolvimentu (ECD), ne’ebé mak ita nia ekipa ne’ebé mak apoiu husi ita nia duador sira,” dehan Koordenadór Unidade Planeamentu Monitorizasaun no Avaliasaun (UPMA) Brigida Soares, ba Jornalista sira iha Palásio Governu, Segunda-Feira (28/10/2019).

Koordendór hatutan Objetivu misaun ba tinan ida ne’e sei foku liu avaliasaun ba implementasaun ba roteiru orsamentu sustentavel ba futuru nian, hodi implementa orsamentu ba programa Governu nian. “Objeitvu ba misaun iha tinan ida ne’e, sei hareee liu ba halo avalisaun ba implementasaun husi ita nia roteiru no Orsamentu ba Futuru Sustentavel Implementasaun Orsamentasaun ba programátika ne’ebé Governu hala’o,” dehan nia

Brigida Soares afirma sei iha tinan kotuk sira mai ona hareee oinsá mak Governu Dezenvolve ba ita nia reforma sira, tinan kotuk sira nia avaliasaun ba ita kontinua nafatin atu halo implementasaun estrututa programátiku nian. Nia haktuir tan tinan ida ne’e Governu konsege halo exersísiu kompleta ba implementasaun estrutura programátika ba entidade 86 inklui entidade estadu nian no munisipalidade no ZEESM.

Tanba ne’e husi implementasaun ba programátika ida ne’e ba tinan oin, Governu sei foku iha 137 programa, tanba uluk ita la kualia konaba programa maibe tinan oin debate sira sei foku hotu ba programa. Koordenadór ne’e informa Governu iha 137 ne’ebé programa mai husi entidade hamutuk 86 sei halo diskusaun kona-ba program tinan oin nian.

“Governu iha 137 programa husi entidade 86 ne’ebé mak sei halo diskusaun no sei halo ninia programa tinan oin, tanba ne’e ekipa ida ne’e mai atu haree fali, tanba ita nia implementasaun ne’e lao tuir dalan ona kalae no saida mak ita presiza hadia tan ba tinan oin atu nune’e bele hadiak liu tan ba Governu nia programa ba tinan hirak tuir mai,” afirma nia

Brigida hatete la’ós deit fo apoiu no hareee ba ita nia programa sira ne’e, maibe mos fo hanoin no opiniaun sira ne’e, tuir prátika ne’ebé mak diak husi nasuan sira ne’ebé mak implementa hela reforma sira.

Tanba ne’e Primeiru Minsitru (PM) Taur Matan Ruak nia orientasaun mak misaun ida ne’e kontinua nafatin fo sira nia hanoin ne’ebé mak diak ba Governu Timor-Leste, atu nune’e bele kontinua halo no la’ós atu kualia buat diak deit mak Governu, maibe hatoo mos krítika no informasaun ne’ebé mak bele fo fanu Governu atu nune’e Governu bele hadiak liu tan Governu ninia performa liu-liu ba implementasuan sira ne’ebé mak tinan oin mai nian. (BT)