DÍLI----Governu liu hosi Ministeriu Transporte no Komunikasaun (MTK) fo konfiansa ba Autoridade Aiviasaun Civil Timor-Leste (AACTL), hodi assina akordu ho Aeros Oin-Oin hosi nasaun seluk atu oinsa bele fasilita diak liutan transporte Aero iha Timor-Leste ba nasaun seluk.

Tuir Presidente AACTL Ana Rosalia hateten Governu liu hosi MTK hatu’ur ona poder ba AACTL hodi halo negosiasaun ho Aero sira hosi nasaun oin-oin ho kondisaun legal ba sira nia Operador Aereus hodi mai halao opera iha Timor-Leste atu nune’e bele diversifika Ekonomia Timor-Leste.

“Atu loke ita nia rai ba Operador Aereus hosi rai liur oin-oin, Autoridade Aviasaum Civil halo negosiasaun lubuk ida ona ho Autoridade Aviasaun Civil ho Nasaun balun hodi fo kondisaun legal ba sira nia Operador Aereus bele mai opera iha Timor-Leste,” hateten Presidente AACTL Ana Rosalia ba Jornalista sira depois de lansamentu ba Royal Bhutan Air Lines iha Aeroportu Komoro Nikolau Lobatu, Kinta-Feira (31/10/2019).

Nia dehan, Durante TL nia partisipasaun ba Asembleia ICAO nian delegasaun Timor-Leste hasoru mos delegasaun Republika Korea nian ne’ebe Nasaun Korea informa katak sira interese mos atu halao diskusaun ba akordu servisu Aereu ho Timor-Leste.

“AACTL nian hala’o servisu maka’as tebes hodi halo diskusaun ba akordu servisu Aereu sira iha nasaun barak tamba ne’e AACTL durante halo assina akordu ne’e ho Qatar, Malaysia, Filipina, Nova Zelandia, China no foin dadauk ho Brunei Darussalam,” hateten nia.

Nia afirma tan, iha fulan Dezembru Tinan ida ne’e TL sei realiza mos akordu servisu Aereu ho Estadu Qatar bele hetan inisializa ona atu prepara ba assina MoU no akordu servisu Aereu iha tempu badak.

Situasaun Ligasaun Aero Timor-Leste ba Rai seluk sai dezafiu bo’ot ba sistema Aviasaun tomak ho Nune’e Governu aproveita tiha ona politika nasional de aviasaun sivil hodi estabelese prioridade no asaun konkreitu atu dezemvolve aviasaun sivil iha Timor-Leste no atu loke Ligasaun oin-oin hosi rai seluk.

“Timor-Leste assina ona mos akordu servisu Aereus ho Singapura no Australia, alende iha fulan kotuk hau rasik assina MoU no akordu servisu Aero ho United Arab Emirates iha Monte Real Canada,” haktuir nia. Nia haktuir, ho nune’e Autoridade Aviasaum Civil assina tiha ona amandament ba akordu servisu Aero ho Indonesia hosi aumenta frequency semana! Hosi Aviaun Indonesia nian ba 28 semana-semana.

“Ida ne’e loke ona dalan ba Aviaun hosi Transnusa hamutuk ho Air Timor atu hala’o Ligasaun Kupang Dili dala 3 semana ida,” Alende ne’e Ministru Transporte no Komunikasaun (MTK) José Agustinho da Silva haktuir, esforsu ne’e liu hosi Autoridade Aviasaum Civil Timor-Leste (AACTL), hetan kna’ar atu halo regulasaun ba setor aviasaun civil iha Timor-Leste hodi fo kondisoens ba operadores Aeros sira bele halo sira nia aktividades ho seguransa ne’ebe bele fo benefisiu ba povu Timor-Leste nian.

“Hanesan ho aktividade Turizmu Investidores Sira nomos ema Timor ne’ebe bele ba liur atu halo servisu ka seluk-seluk tan. Tamba ne’e Konektividade diversifika hosi Fatin oin-oin mak sai hanesan elementu ida importante teb-tebes atu fo impulsu ba Dezemvolvimentu ekonomia ba Nasaun TL,” Afirma nia. (BT)