DÍLI----Bazeia ba rekonstrusaun Aeroportu Internasional Nicolau Lobatu Dili, liu husi Konsellu Ministru (KM) hahu ona Analiza Planu Master ba kontruksaun Aeroportu Internasional Nicolau Lobato ne’ebe aprezenta hosi Komisaun Inter Mnisterial sira.

Tuir Ministru Estadu Presidensial Konsellu Ministru (MEPKM) Hermenegildo Agostu Cabral Perreira hatete Konsellu Ministrus ne’e hala’o ona sorumutuk iha Palásiu Governu no analisa ona Planu-mestre ba rekualifikasaun Aeroportu internasionál Dili nian ne’ebé aprezenta husi Komisaun Interministeriál ba negosiasaun apoiu finanseiru nian ba rekualifikasaun Aeroportu Internasionál Prezidente Nicolau Lobato.

“Ohin Konsellu Ministru halo analizasaun ona ba rekualifikasaun aeroportu Dili ne’ebe aprezenta hosi komisaun interministerial sira tamba komisaun Interministerial ne’ebe mak harii iha loron 24 fulan-Maiu tinan 2019,” hateten MEPKM ba jornalista depois de sorumutu Konsellu Ministru (KM), iha Palasiu do Governu, Kuarta-Feira (23/10/2019).

Nia dehan, Komisaun Interministeriál ne’e prezide husi Ministru Estadu Prezidénsia Konsellu Ministrus no komposta husi Ministra Finansas iha ezersísiu, husi Ministru Negósius Estranjeirus no Kooperasaun, husi Ministru Obras Públikas no husi Ministru Transporte no Komunikasaun.

Tamba ne’e Komisaun Interministeriál ne’e, hamutuk ho Grupu Servisu Interministeriál ba Projetu Dezenvolvimentu Aeroportu Internasionál Prezidente Nicolau Lobato nian. Nia haktuir, Analizasaun ba Rekualifikasaun ne’e antes Governu halo ona disksaun ba liu hosi Interministerial ba Aeroprtu Internasional Nikolau Lobato no ohin loron halo fila fali analizasaun ne’e.

“Horseik Komisaun hala’o reuniaun hodi endosa planu mestre ne’ebe IFC iha fulan hirak nia laran hafoin submete ba Konsellu Ministru ohin hodi halo analizasaun ne’e,” katak nia. Governante informa, Analiza rekualifikasaun ba Aeroportu ne’ebe mak aprezena hosi Komisaun Interministerial ne’e hodi halo opsaun kompostu hosi hanaruk pista Aeroprtu, Dezemvolve terminal passajeiru Aeroportu no pista ne’e sei hanaruk hosi Kilometru 2.1, Kilometru 2.5 hafoin ba kilometru 3.

Alende ho hirak ne’ebe mak temi ona iha leten katak, “Aviaun bo’ot sira bele tun iha ita nia Aeroportu no halo melloria ba terminal passajeirus ho kondisaun aviaun sira ne’e no seguransa iha hotu planu. Iha mos previsaun longu termu tamba hanesan planu mestre hodi Aeroportu ne’e dada mai mota Komoro nomos tama ba tasi laran,” Salienta nia.

Komisaun Interministrial hamutuk ho grupo traballu sira hala’o servisu no analiza ba rekezitu Tekniku, Social, Ambiental, Finanseiru no Juridiku ba opsaun rekualfikasaun. “Komisaun Interministerial halo ona servisu to’o oras ne’e kona-ba análize rekizitu Tékniku, Sosiál, Ambientál, Finanseiru no Jurídiku sira kona-ba opsaun sira atu hanaruk Pista Aterrajen nian no opsaun atu halo rekualifikasaun terminál Aeroportu nian,” Afirma MEPKM. (BT)