DÍLI----Kompaña Timor Plaza ho inisiativa rasik hodi lansa programa mini GOLF hodi anima ba labarik sira husi idade tinan 4 to’o tinan 7 ho Objetivu oinsa bele hanorin labarik sira bele aprende buat foun nune’e bele harii abilidade diak ba labarik sira iha futuru.

Atividade Animasaun ne’ebé mak Timor Plaza realize mak hanesan Dezeñu (pinta), Desportu, Dezenvolve kriatividade labarik sira nian inklui mos ho atividade sira seluk tan. Tuir Manager Marking Abdul Rozi hateten Kompana Timor-Plaza realiza eventu refere atu bele fó oportunidade ba labarik sira hodi bele aprende no pratika buat foun ruma ne’ebé iha.

“Labarik sira merese atu hetan fatin ne’ebé mak própriu ba sira atu bele halimar no aprende buat ruma. Oras nee husi parte Timor Plaza realiza eventu ida nee ba labarik sira atu bele mai halimar no mós aprende pinta dezeñu. Labarik sira ne’ebé mak sei tau koris ba dezeñu ho prefeitu sei simu Taça, Sertifikadu no pakote husi Timor Plaza,” dehan Manager Marking Abdul Rozi ba BT iha Rai Henek Mutin, Suku Meti-Aut, Dili, Domingu (27/10/2019).

Nia esplika Labarik sira ho idade ne’ebé ki’ik nia tempu mak oinsa bele hahu hari’i sira nia abilidade ne’ebé diak hodi hasoru moris iha future tamba ne’e labarik presiza iha tempu oinsa atu bele aprende buat ne’ebé foun. “Sinte gosta no haksolok tebes bele mai partisipa iha atividade ida nee.

Ho Objetivu atu labarik sira bele aprende buat foun ruma no karik iha futuru bele sai benefísiu ba sira nia moris,” Dehan Abdul Rozi. Rozi afirma katak husi atividade ne’ebé mak Timor Plaza realize loke mos oportunidade kompitisaun ba labarik sira no ikus mai Labarik Diono Ornai sai manan nain ba primeiru lugar iha atividade tau koris ba dezeñu ne’ebé mak realiza husi Timor Plaza.

Alende ne’e kompaña Timor Plaza realize atividade ba labarik sira maibe Timor Plaza mos realize atividade ba joven kona-ba jogu Volly Bola ne’ebé sempre realize kada fulan tolu (3) dala ida maibe sempre halao iha loron Domingu no atividade refere nakloke ba iha publiku.

‘’Iha mós programa ofrese fatin ne’e ba públiku sira ne’ebé mak interese hakarak atu mai selebra sira nia oan nia aniversáriu ou festeja ba serimónia espesiál ruma ba labarik sira, Timor Plaza disponivel hodi ofrese fatin iha Pasir Putih’’ Laos ne’e deit maibe Timor Plaza mos loke Desportu Top GOLF nudar Deportu foun ne’ebé mak loke iha Timor-Leste maske Desportu refere kuinesidu iha Mundu internasional.

“Husu ba komunidade sira bele mai vizita fatin no naran Top GOLF nu’udar fasilidade foun iha Area Branca no fatin gratuitu ba ema ne’ebé mak hakarak atu selebra sira nia oan nia aniversáriu no bele sosa de’it hahán ho presu husi Dollar $8.00 to’o $15.00 kada pakote inklui Timor Plaza mos fornese fatin ba publiku oinsa bele realize sermonia ruma hanesan sermonia Formal nomos sermonia non Formal,” informa nia. (BT)