DÍLI----Orsamentu ba 2020 ba Munisipiu Manufahi sei aloka ba kategoria tolu ne’ebé maka munisipiu aprezenta ona ba iha komite reviziaun orsamentu iha por volta milaun $2 ital.

Tuir Administradór Munisípiu Manufahi, Arantes Isaac Sarmento hateten, orsamentu ba 2020 iha kategória tolu mak Vensimentu, Bens Servisu no transferensia públika ne’ebé mak liga ho kapitál menor ho kapitál dezenvolvimentu ne’e ministériu sentrál mak toma konta no responsável ba orsamentu ida ne’e.

“Ita iha orsamentu por volta miliaun $2 itál fahe ba kategória tolu ne’ebé mak ami sei apresenta iha komité revizaun orsamentu no husi orsamentu ne’e mak fahe tan ba servisu munisipais 8 maibé rua seluk servisu notariado rejistu sivil ho jestaun merkória to’o agora ministério tutela mak responsável entau ho ida ne’e ami munisipiu Manufahi laprevee orsamentu ba parte 2 ne’e,” dehan Administradór Munisípiu Manufahi, Arantes Isaac Sarmento ba jornalista sira iha Ministériu Finansas Ai-Tarak Laran, Dili, Tersa-Feira (17/09/2019).

Nia afirma tan katak Programa prioridade Munisípiu Manufahi nian ba 2020, dahuluk mak atu kontinua haforsa saneamentu munisípiu ninian nomós programa ba grupu ezgotu ne’ebé sei aplika tan ba postu seluk. Daruak mak haforsa tan monitorizasaun liliu ba servisu operasionál ninian no halo fiskalizasaun ba servisu hotu iha munisípiu Manufahi nune’e mós Prioridade seluk ne’ebé mak liga ho orsamentu 2020 mak infraestrutura bázika ho nia planu rasik ne’ebé mak submete ona governu sentrál.

“Ami-nia planu prioridade ba 2020 mak atu haforsa nafatin no kontinua ho programa ne’ebé mak kabe ba servisu munisipais ninian, mak saneamentu no halo limpeza iha munisípiu to’o iha postu hotu iha Manufahi nian no halo monitorizasaun no fiskalizasaun ba operasoeñs nomós infraestrutura bázika sira,” Isaac haktuir.

Nia hatutan, Ligasaun ho polítika infraestrutura manutensaun ba monumentu Dom Boa Ventura nian ne’e kabe-ba kompetensia ba iha Ministériu Turizmu ninian mezmuké iha Munisípiu Manufahi nian maibé munisípiu nia servisu mak atu assegura no tau matan nomós Manufahi tau planu iha PDN nian hodi halo moru hadulas ba 23 hektares iha Monumentu Dom Boa Ventura. (BT)