DÍLI----Provedora Direitus Humanus e Justisa (PDHJ) Jesuinha Maria Ferreira Gomes hatete tetu orsamentu hosi Ministeriu Finansa ba PDHJ nian ba 2020 ho de’it $1.730.681.00 tanba ne’e sei la kobre hotu ba programa ne’ebeé iha nune’e PDHJ husu adisionál hamutuk $503.875.00.

“Aprezenta iha diskusaun ne’e orsamentu ne’ebe mak hetan husi governu la sufisiente atu finansia aktividade PDHJ nian ba tinan 2020, tamba ne’e PDHJ haruka proposta adisional ba iha primeiru Ministru mós komite revizaun orsamentu politika ho montante $503.875.00 no proposta adisional ne’e fahe parte tolu Salariu Vesimentu, Bens Servisu no mos Kapital Menór,” dehan Provedora Direitus Umanus Justisa (PDHJ) Jesuinha Maria Ferreira Gomes ba Jornalista sira iha salaun Ministeriu Fianansas Ai-Tarak Laran, Dili (19/09/2019).

Nia hatutan iha diskusaun ne’e hetan apresiasaun bo’ot husi membru Komite Revizaun Orsamentu Politika (KROP) liuliu rekoñesimentu ba servisu ne’ebe PDHJ halo, hodi promove no proteje direitus humanus no mos halo promosaun ba iha Governasaun ne’ebe iha prinsipiu Komitariu Revizaun Orsamentu Politika (KROP) konkorda ho orsamentu adisional ne’e maibe ba kapital menor presiza halo diskusaun klean liutan ho ekipa tekniku sira liga ho politika Governu. Nia esplika tan proposta ne’e atu hola veikulu, maibe tenke aliña mos ho politika Governu nian ne’ebe agora hala’o hela levantamentu dadus kona-ba viatura estadu nia hotu ne’ebe ida ne’e sei iha diskusaun ba oin.

Provedora Direitus Humanus e Justisa (PDHJ) Jesuinha Maria Ferreira Gomes dehan tinan oin PDHJ iha nia programa rua, sub-programa ne’e ho aktividades hamutuk 13, nia programa ne’e kona-ba boa governasaun ho jestaun instituisional ho programa daruak nian kona-ba direitus humanus ho boa governasaun no programa sira ne’e atu hala’o aktividades liga ho investigasaun, monitorisaun ho rekomendasaun, mediasaun konsiliasaun atu halo peskiza ho sub-tematika sira atu hare tuir rekomendasaun no mos atu asegura kustu operasionais sira iha PDHJ nia servisu ne’e rasik.

Tamba ne’e Orsamentu $1 miliaun 73000.681 mais $500.3000.875 por volta dois ponto dois, to’o agora sira ne’ebe PDHJ ezekuta ona ne’e 60%, sira ne’ebe halo hotu pagamentu, ne’ebe sei komite ne’e seidauk tama iha 60%. orsamentu ne’e ba aktividade boa Governasaun nian, ba iha aktividade direitus humanu, halo investigasaun, fiskalizasaun, promosaun, treinamentu workshop seminar, halo peskija, medisaun konsiliasaun no mos orsamentu ba iha jestaun instituisional ne’e rasik hanesan registika, finansas, administrasaun no rekursu humanu. (BT)