DÍLI----Reuniaun Konsellu Ministru (KM) extraordianáriu iha loron Sexta-Feira 27/09/2019 aprova ona dekretu governu ne’ebé aprezenta hosi Ministeriu Petroleu no Minerais (MPM) kona-ba kontratasaun publiku perolifeiro ne’ebe mak atu halo iha Timor-Leste.

Tan ne’e ohin loron atu halo explorasaun ba petrolifeiru sira iha TL, maibe antes seidauk halo explorasaun ba petrolifeiro governu mos kontinua halo analiza no foti liu hosi konkursu publiku iha loron 3 no 4 Outubru tinan ne’e.

Tuir Ministru Petroliu no Minerais Interinu, Hermenegildo Augusto Cabral Pereira hatete Reuniaun KM extraordinariu aprova dekretu Governu sobre explorasaun petrolifeiro sira iha Timor-Leste, ne’ebe regula prosedimentu hosi afeitasaun ba nia definisaun ba kontratu petrolifeiro tamba ne’e KM Aprova hodi hala’o, alende ne’e sei hala’o iha loron 3 no 4 fulan Outubru tinan 2019 ne’e.

“Ohin Reuniaun Konsellu Ministru Extraordinariu, hodi diskuti kona-ba dekreitu Governu ne’ebe mak regula prosedimentu kona-ba afeitasaun hosi kontratu petrolifeiru ho ida ne’e governu hare katak Realizasaun hosi aktividade peskiza no produsaun petrolifeiro no definidu prosedimentu atu adopta ba nia definisaun, afeitasaun no ezekusaunliu hosi konferensia internasional sobre petrolifeiro tamba ne’e KM aprova dekreitu governu,” hateten Ministru Agio Pereira iha Palasiu do Governu, Sexta-Feira (27/09).

Nia dehan iha reuniaun ne’e Konsellu Ministru mos hare no kontinua analiza resolusaun Governu ba autorizasaun abertura konkursu publiku ba selebrasaun kontratu petrolifeiro ho hare katak realizasaun aktividade hosi peskiza no produsaun petrolifeiro no hosi kontratasaun publiku petrolifeiro.

Tan ne’e, KM aprova dekreitu Governu ne’e Atu nune’e Ministru Petroleum no Minarais fo autorizasaun ba Autoridade Nasional Petroleun no Minerais (ANPM) atu halo konferensia sobre explorasaun petrolifeiro sira iha TL,“Ohin mos reuniaun Konsellu Ministru extraordinariu hodi koalia mos kona-ba Dekreitu Governu katak iha loron 3 no 4 fulan Outubru tinan ne’e sei iha konferensia internasional kona-ba explorasaun petrolifeiro iha ita nia rain, ne’ebe sei envolve hosi kompania hosi internasional sira,” katak Agio.

Nia hatutan, hosi konferensia ne’e sei hahu buat ne’ebe bolu naran kontratasaun kompania sira ne’ebe halo explorasaun iha rai Timor ne’e. Tanba ne’e “Ita presiza dekreitu governu ne’e hodi formaliza dadus legal ne’ebe ita presiza depois de dekreitu publikadu tiha hotu sei iha resolusaun ne’ebe loke dalan ba Ministeriu Petroleum no Mineral nian hodi fo kna’ar ba Autoridade Nasional Petroleum no Mineral (ANPM) hodi kontinua avansa ba Prosesu Konferensia durante loron rua, atu nune’e la’o diak ho baze legal,” Informa Agio Preira. (BT)