DÍLI----VIII Governu Konstituisionál liu husi Sekretáriu Estadu Formasaun Profisionál no Empregu (SEFOPE) haruka tan ona servisu nain hamutuk 46 sei ba servisu iha Korea Do Súl iha Área Peska no Fábrika.

Diretór Jerál Administrasaun no Finansas (DJAF) Aniçeto Leto Soro ne’ebe Reprezenta Sekretáriu Estadu Formasaun Profisionál no Empregu (SEFOPE) Julião Da Silva hatete, SEFOPE haruka tan servisu nain hamutuk 46 ne’ebe iha area rua Peska hamutuk 43 no Fabika hamutuk 3 ne’ebe sei ba servisu iha KOREA do SÚL.

“SEFOPE haruka tan joven no servisu nain hamutuk 46 ne’ebe mak atu ba servisu iha Korea do Sul ne’ebe mak iha area Peska no Fabika, area Peska mak hamutuk 43 no area Fabrika mak hamutuk nain 3,” dehan Diretór Jerál Administrasaun no Finansas (DJAF) Aniçeto Leto Soro, hafoin remata Despedida ba Servisu na’in sira ba Jornalista sira, iha Salaun (SEFOPE) Kaikoli Dili, Segunda-Feira (23/09).

Diretór Jerál Administrasaun no Finansas hatutan programa ida ne’e kontinuasaun ne’ebe Governu KOREA nafatin fo oportunidade ba joven sira iha Timor-Leste. “Program ida ne’e kontinusaun ne’ebe ita halo Governu Korea Do Sul, no ita babain haruka ita nia joven sira ba seivisu iha nasaun rua ne’e tuir akordu, ita halo entre Governu Timor-Leste ho Governu Korea Do Sul,”

Tamba ne’e ba servisu iha Korea lori nasaun nia naran ba servisu iha ne’eba, siknifika tenki hatudu disiplina iha ema nia rai, bainhira Servisu nain sira ba servisu iha nasaun rua ne’e, lori buat foun bainhira kontratu remata fila mai Timor. Aniçeto Leto Soro informa servisu iha ema nia rai atu aprende servisu, hodi nune’e bele fila mai Timor atu kontribui ba nasaun no estadu, lori matenek ne’ebe mak imi hetan mai kontribui ba estadu hodi nune’e bele redus dezempregu iha Timor-Leste.

Nia esplika Governu Timor-Leste buka meius hodi fasilita atu hasai koñesimentu no abilidade, ba Joven sira nia espiritu no badinas, Joven espiritu disiplina atu nune’e estadu bele la’o ba oin. Diretór Jerál Administrasaun no Finansas (DJAF) Aniçeto Leto Soro reforsa tan Governu Timor-Leste laiha dalan seluk atu fasilita servisu nain sira ba servisu iha nasaun rua refere, tanba númeru dezempregu Timor-Leste sei menu
“Governu laiha dalan seluk atu haruka no fasilita joven sira ba servisu iha Korea no Australia, objetivu governu nian mak atu redus numeru dezempregu iha Timor-Leste, tanba ita nia empregu iha rai laran sei menus ita iha empregu rai liur mak fo oportunidade ba ita ba atinji ho objetivu govenu nian mak ida ne’e,”

Tanba ne’e atu atinje governu nian buka meius ne’ebe mak servisu hamutuk ho Governu Australia no Korea do Súl, ne’ebe mak joven sira agora prepara dadauk ne’e iha tempu badak sei iha servisu hamutuk ho Governu Japaun no Kanada.

Nia dehan servisu nain sira ne’e iha Korea do Súl tuir akordu ne’ebe mak ita halo sei durasaun ho tinan ida mak halo kontratu ho kompaña sira, ne’ebe mak atu ba servisu liu-liu iha area rua, no kontratu ne’e iha posibilidade atu extende bainhira sira hatudu sira nia produtividade disiplina no servisu ne’ebe mak diak. (BT)