DÍLI----Timor-Leste sai membru ba Organizasaun Mundial Turizmu iha tinan 2005, iha tinan ne’e mundu tomak selebra loron mundiál turizmu ba dala-39, no ba Timor-Leste ba dala-14, ho nune’e Governu liu hosi Ministeriu Turizmu Komersiu no Industria (MTKI), preve orsamentu ho montante rihun $11 hodi selebra.

Maske ohin loron Timor-Leste la partisipa iha eventu ne’e iha Nova Iorke maibe Timor-Leste mós bele selebra iha ita nia rain rasik no agota Timor-Leste selebra ba dala-14 promove imajem turizmu iha Timor-Leste.

Tuir Diretor Jeral Jose Filipe Quintas Hatete ohin loron halo abertura ba loron mundial trizmu nian ne’ebé mak monu iha loron 27 fulan Setembru 2019, ne’e’ebe Timor-Leste selebra ho feira empregu nian nomos imagem kona-ba fatin turizmu ninian iha Timor-Leste, ne’ebé governu propoin osan rihun $11 hodi halo selebrasaun iha rai laran tanba setor turizmu importante mos iha Timor-Leste importante.

“Nu’udar hanesan nasaun ida Timor-Leste mos selebra loron mundial kada tinan ne’ebé monu iha loron 27 Setembru, ne’ebé tinan ida ne’e ita selebra, governu aloka rihun $11, nune’e Programa hirak ne’e MTKI halo hamutuk ho parseiru dezemvolvimnetu sira hahú kedas iha orseik, orseik ita loke ho pers konferens, ohin programa balun komesa hala’o ona hanesan feira Imajen du turizmu nian,” hateten DG Tourizmu ba jornalista sira antes halo abertura ba lansamentu feira Imajem, iha CCD Merkadu Lama, Kinta-Feira (26/09).

Nia dehan, Ohin ne’e feira kona-ba emregu nian liliu fo oportunidade ba joven sira oinsá para buka servisu, oinsá para halo civi ida ke diak, depois oinsá para sira bele partisipa tekniku ho intrevista hosi parseiru dezemvolvimentu sira. Nia afirma liu tan, katak “Selebrasaun ne’e ita servisu hamutuk ho parseiru dezemvolvimentu liliu USAID, ne’ebé mak ho sira nia projetu bolu dehan Tourizm For All ka ho lian tetun dehan (Turizmu ba Ema hotu), ne’ebé aban ita sei iha programa ida liliu kona-ba limpeza jeral iha area turiztiku,” katak nia.

Nia dehan, halo selebrasaun ne’e Timor-Leste halo Limpeza jeral hahú hosi tasi ibun sira ne’e, depois aban ne’e iha programa ida tan iha Timor Plaza liliu kona-ba diskusaun turistiku nasional ba 2030 alina ho ita politika ne’ebé governu aprova ona iha 2017, “Loron mundial ne’e hanesan tinan-tina ita sempre selebra, ne’ebé ho topiku principal ba tinan ida ne’e hala’i liuba turizmu no empregu,” hateten nia.

Nia reajente katak turizmu ne’e hanesan industria ida ke bo’ot lahalimar nomos iha kampu servisu barak liu iha setor ida ne’e, “Entaun ho loron ida ne’e, ita mos aproveita promove imajem Timor-Leste nu’udar distinu turistiku ida ke seguru nomos hakmatek tanba seguransa estabilidade nasaun xave importnate ba nasaun mak setor turizmu,” katak nia.

Nia haktuir tan katak, ne’e duni atu mantein kontinua ba nafatin promove imagem Timor-Leste nu’udar distinu turistiku ida ke estavel no seguru ne’e kontribuisaun his parte hot-hotu, individual ida-idak tenke kontribui ne’e, “Ne’e duni ho ita aproveita ho loron mundial turizmu nian nune’e ita kontinua promove turizmu sai hanesan setor importnate ida ba ekonomia TL Tanba ita labele depende ba ita nia mina rai,” informa nia.

Enkuandu, “mina rai iha tempu ida sei menus I se hotu, maibe turizmu nunka mais hotu ka mate tanba ne’e governu mos aposta ona ba ita klarumente katak sei sobu turizmu mai sai pilar ida ba nasaun TL tanba ne’e governu sei kontinua diversifika turizmu, nune’e laos hare deit ba mina maibe governu mos sei kontinua diversifika agrikultura, manufaktura no sel-seluk tan,” hatete DGT.

“Tan ne’e ohin loron ita selebra loron turizmu hamutuk ho parseirus hot-hotu hanesan, servisu hamutuk ho USAID, UNTL, Setor Privadu no parseiru sira seluk hodi hare no dudu setor turizmu ne’e ba oin,” hatete Diretor Geral Jose Filipe Dias Quintas. (BT)