DÍLI----Relasiona ho selebrasaun loron Aniversariu ba Jacinto Departamentu Store ba dala-30 nia ejistensia iha Timor-Leste, liu husi aniversariu refere Jacinto Departamentu Store Fo serfikadu apresiasaun ba traballador atus ida resin ne’ebe maka durante ne’e servisu kleur ona iha kompania refere.

Tuir Istoria ne’ebe maka iha katak Jacinto harii iha tinan 1989 iha loron 28 fulan Setembru, iha tempu ne’eba ho naran Jacinto Too Serba ka Jacinto iha Buat hotu ne’ebe faan sasan hotu importa husi Indonesia hodi faan tutan fali iha Timor-Leste. Tuir Diretora Claricia Lay katak fo-foun Jacinto Departamentu Store harii ho Kapital RP 100.000.000 hetan kreditu iha banku DanaMon Indonesia, inklui mos hetan fiar husi kompania PT. Wins Indoneisa hodi faan sira nia produtu iha Timor-Leste.

“Iha tempu ne’eba hau ba esplika ba sira nomos lajo grosir 2 ka 3 ne’ebe iha Dili hodi fo tempu halo pagamentu hanesan semana rua ka semana ida, ne’ebe hau komesa faan sasan ne’ebe uituan–uituan no hau mos komesa fo servisu ho ema nain 8 ka nain 9 no to’o iha Timor atu determina nia Indepedensia konsege ema ne’ebe servisu besik ona ema nain 30 maka servisu iha fatin ne’e,” dehan nian.

Nia dehan depois harii Jacinto To’o Serva iha tempu ne’eba konsege emprega Timoroan nain 8 ka nain 9 to’o iha tinan 1999 maibe iha tinan 1999 Jacinto hetan estragus husi Milisia sira no Jacinto konsege lakon liu Millaun 20 resin. Depois halai ba iha Indonesia Claricia Lay kontinua halai ba Australi no iha Australia Claricia Lay konsege faan nia propiedade hanesan Uma oinsa bele loke fila fali Jacinto, Tan ne’e iha tinan 2000 konsege hahu rehabilita fila fali Jacinto no iha tinan 2001 hahu loke fila fali hodi muda naran ba Jacinto Super Market.

Husi re ativa fila fali Jacinto iha tinan 2003 konsege asesu kreditu iha Banku BNU hodi kontinua habot nia atividade negosiu tan ne’e iha tinan 2003 konsege establese tan Ocean Line ne’ebe maka sai distributor Uniku ba iha Produtu Kompania PT. Wins Indonesia hanesan Daya, Mie Sedap inklui mos produtu sira seluk tan. Alende ne’e iha tinan 2006 Claricia Lay kontinua Haboot nia Kompania ida ho naran Ruvic Contraction ne’ebe servisu hamutuk ho Governu Timor-Leste hodi implementa projetu sira iha Timor Laran tomak.

Alende ne’e iha tinan 2012 Jacinto Supermerkadu transforma ba Jacinto Departamentu Store ne’ebe maka lokaliza iha Kuluhun DIli, no konsege hetan apresiasaun barak husi lideransa governu Timor-Leste inklui mos nia maluk Emprezariu sira. Alende ne’e Claricia Lay mos kontinua Investe iha Mahanain Garment Prodution ne’ebe maka halo produsaun ba roupa hahu husi Dezenu, Tesi, Suku, faan inklui halo mos exportasaun ba rai liur ho produtu Timor-Leste hanesan Tais.

Husi atividade hirak ne’e maka iha Claricia Lay mos empreza timoroan besik rihun ida maka servisu iha kompania ne’ebe nia estabelese, no husi establesementu ne’e trabllador sira sempre hetan atensaun husi Kompania maka hanesan Salariu, Fasilita Keditu inklui mos ajuda sosial sira seluk.

“Ohin ita kompleta Jacinto ba tinan 30 ita selebra aniversariu ida ne’e nudar dalan ida ita agradese ba Maromak tanba husi nia hodi ohin Jacinto sai sucesu liutan, inklui iha selebrasaun ne’e ita mos fo Certifikadau ba ita nia funsionariu sira ne’ebe maka durante ne’e servisu hamutuk ho ita,” dehan nia.

Nia dehan liu husi selebrasaun ne’ebe maka iha Claricia Lay mos konsege tranforma nia fiar ba Timoroan balun hodi halo jestaun inklui mos ba nia nain 3 ne’ebe ohin loron finalize ona sira nia estudu iha Universitariu. “Agora Kompania hau fo fiar ba sira hodi Lidera tanba tempu ona ba sira oinsa bele Jere Jacinto sai Diak liutan,” katak nia.

Iha sermonia Aniversariu Jacinto Claricia Lay mos husu ba Governu Timor-Leste atu kontinua hakbiit seitor privadu rai laran oinsa bele fo kontribuisaun ba dezenvolvimentu Timor-Leste. Alende iha selebrasaun ne’e nia mos husu agardese ba Funsionariu Jacinto, Kliente Jacinto, Inklui mos Governu Timor-Leste ne’ebe maka durante ne’e konsege apoiu Jacinto sai sucesu tebes.

Iha biban ne’e mos Prezidente CCI-TL Oscar Lima mos apresia ho kontibuisaun Claricia Lay tanba konsege apoiu tebes dezenvolvimentu Timor-Leste ohin loron. “Hau hodi CCI-TL nia naran ho Estrutura la haluha agradese ba Claricia Lay nia Sucesu, hau hanoin durante tinan 30 halao negosiau laos buat ida fasil tanba hau ema ida mos kleur ona tanba uluk dona Claricia halao Negosiu hau Kuinese nia kiik kedas,” katak Oscar Lima.

Nia dehan CCI-TL nudar mahun ida ba seitor privadu kontinua nafatin fo apoiu ba seitor privadu sira oinsa bele dezenvolve diak liu tan hodi fo kontribuisaun ba dezenvolvimentu Timor-Leste. Iha selebrasaun ne’e JDS mos entrega Certifikadu apresiasaun ne’ebe maka partisipa husi Instituisaun Governu, Finanseiru inklui mos Parseiru dezenvolvintu JDS nian. (BT)