DÍLI----Eis xefe United Nations Administration Mission In East Timor (UNAMET) Ian Martin hateten, Timor-Leste Nia dezenvolvimentu kontinua sa’e babebeik tanba diferensia ho dezenvolvimentu ne’ebe mak iha tinan 1999 wainhira independensia.

Nia dehan uluk hau mai hare TL ne’e lahanesan ho agora, agora ne’e dezenvolvimentu mudansa no progresu, Timor-Leste nia dezenvolvimentu la’os iha Dili deit maibe kuazu durante loron hirak ba vizita iha munisipiu sira mos hare iha mudansa ba dezenvolvimentu.

“Hau mai to’o iha Dili hare imagem komesa furak lahanesan uluk hau mai Hau ba vizita iha Likisa, maliana (Bobonaro), Aileu no sel-seluk tan hau hare estrada no eletrisidade la’o diak tebes no kapas, uluk hau hala’o hau nia misaun iha ne’e hau ba munisipiu sira ne’e eletrisidade laiha no estrada mos iha kuak, ”hateten Eis xefe UNAMET, Ian Martin ba jornalista sira iha palasiu Governu, Kinta-Feira (29/08).

Nia dehan, hare husi dezenvolvimentu ne’ebe Timor-Leste iha hatudu katak Timor hahu iha mudansa iha area dezenvolvimentu maibe iha buat balun presiza atu hadia tan iha Timor-Leste. “Balun mak presiza halo diak liutan “tamba hau hatene katak nasaun ne’e foun, foin simu tranzisaun administrasaun hosi UN iha dadauk ne’e, Nebe iha progresu dezenvolvimentu diak no la’o ba oin, tamba hau hare progresu la’o babebeik liliu iha Dili, sai sidade ida ne’ebe mak furak los,” hateten nia.

Nia hateten, Uluk misaun ONU iha Timor-Leste lori determinasaun ne’ebe loos no susessu iha paz no operasaun iha tempu misaun ONU nian mai tamba ONU nia funsionariu sira mos agora barak kontinua servisu iha Edukasaun no seluk tan. 

Alende ne’e mos “Hau mai iha ne’e hau reprezenta Sekretariu Jeral ONU (Antonio Guterres) ne’ebe mak delega hau mai ho kompromisiu ne’ebe mak forte tebes ba Timor-Leste tamba Timor-Leste sei bele garante katak sei kontinua apoiu hosi Organizasaun Nasaun Unidas (ONU) nian,” espektiva nia.

Tamba Dezenvolvimentu Timor-Leste ba futuru oin mai espera katak sei sai diak liutan husi ida agora tamba baoin mos Timor-Leste hetan ona independensia lolos ona nune’e fiar katak sei hafurak liutan ba dezenvolvimwentu,” hateten Eis xefe UNAMET, Ian Martin. (BT)