DÍLI----Relasiona atu hametin liu tan kooperasaun nasaun rua (Indonesia ho Timor-Leste) iha futuru ohin loron Basuki ho Horta Reprezenta nasaun rua assina plaka ba ponte foun B. J Habibie tamba ponte foun sai previlejiu ba Indonesia.

Maske Timor-Leste ninia historia pasadu moruk maibe hatudu ba mundu katak Timor-Leste ho Indonesia iha relasaun ne’ebe mak metin liu tan iha futuru oin mai liliu ba kooperasaun bilateral entre nasaun rua ne’e.

Tuir Ministru Obra Publika no Abitasaun (MOPA) Mochamad Basuki Hadimoeljono Hateten Presidente Republika Indonesia Joko Widodo sente Previleijo ho Estadu Timor-Leste tanba governu deside tau naran B. J Habibie iha ponte foun Bidau Lesidere Liga ba Bidau Santa-Ana Kristu Rei, alende ne’e hodi hametin liu tan kooperasaun nasaun rua ninian iha futuru oin mai.

“Presidente haruka hau mai reprezenta estadu indonesia no hamutuk ho Jose Ramos Horta nomos membru Organizasaun Nasaun Uniaun (ONU) sira Ian Martin no sel-seluk hodi Inaugura ponte ne’e, maibe ami na’in ruan Ramos horta maka assina plaka ne’e hodi reprezenta nasaun rua nian,” hateten Mochamad Basuki Hadimoeljono ba jornalista sira iha ponte foun B. J Habibie depois de inaugurasaun, Kinta-Feira (29/8).

Nia dehan, Predente Mezmu la marka prezente, maibe presidete Joko Widodo sente ida ne’e previleijo bo’ot ida ba Indonsia hodi hametin liutan relasaun entre nasaun vizinu rua tanba ne’e Preidente sei sibuk hela ho problema e’ebe mak agora Indonesia sei hasoru dadauk ne’e, nune’e Presidente mos kongratula ba Estadu no povu doben Timor-Leste ne’ebe selebra loron konsulta popular ba dala-20 (1999-2019) no Misaun Interfet nian.

Nia haktuir tan, Mensagem hosi Presidente Joko Widodo katak atu hametin liutan kooperasaun diak liutan iha setor, Edukasaun, Ekonomia no Defeza liliu ba segurante iha area fronteira entre nasaun rua ninian. “Agora dadauk ne’e nasaun rua sempre koopera diak iha setor hirak ne’ebe ohin temi ona liliu ba edukasaun no ekonomia tamba estudante timoroan atus ba atus eskola iha Indonesia ne’eba no povu Indonesia barak mos halo bisnis iha Timor laran kuaze maioria,” Katak nia.

Alende ne’e Eis Presidente no Preimiu Nobel Da Paz Jose Ramos horta haktuir tan, Inagurasaun ponte Bidau Santa-Ana hatudu katak Xanana Gusmão nia vizaun bo’ot ba mundu no Timor-Leste atu hametin kooperasaun ho Indonesia. Nia dehan, Presidente B. J Habibie nia kontribuisaun maka’as tebes tanba kuandu lahalo desizaun atu loke forsa internasional mai iha TL, nomos atu loke dalan ba povu hodi deside ba dalan demokrasia entaun laiha dalan ba ukun rasik a’an.

“Tamba ne’e ita halo ponte tau nia naran B. J Habibie atu rekunese mos ba Timor-Leste nia Independensia, ”katak Horta. Nia dehan, Espera katak ponte ida ne’e sei fo funsaun ne’ebe mak diak tebes entre nasaun rua nia kontribuisaun bilateral ba futuru oin mai iha area edukasaun no ekonomiu iha rai rua ne’e.

“Tamba ne’e ita hotu tenke unidade no dame balun hodi tane ita nia rai doben Timor-Leste ne’e ba mundu nafatin, mezmu ita nia ekonomia iha medio sosiu nian maibe espera katak ba futuru TL nia ekonomia sei buras nafatin ba bebeik, ”Informa eis Premiu Nobel Ba Paz.

Alende nee depois remata Inaugurasaun Mochamad Basuki Hadimoeljono partisipa iha selebrasaun loron konsulta popular iha Tasi-Tolu inklui mos iha loron 31 fulan Agostu nia mos halao runiaun ho Ministru Obras Publiku Timor-Leste Salvador Eugénio Soares dos Reis Pires, iha Hotél Novu Turizmu, Lesidere, Dili.

Iha enkontru bilaterál ne’e hodi hametin liután kooperasaun bilaterál entre Timor-Leste ho Indonézia iha aréa infrastrutura liu hósi asisténsia téknika ba planu Governu Timor-Leste nian atu konstrui habitasaun komunitária ka bairru foun ba komunidade liuliu komunidade iha kapitál Dili.

Aliende ne’e ko’alia mós interkoneksaun ba liña enérjia eletrisidade ba Timor Osidentál, Indonézia. Polítika ne’e Timor-Leste no Indonézia sei halo diskusaun kle’an liután, antes implementasaun. Programa habitasaun komunitária sai mós programa prioridade ba Governu Konstitusionál daualu (VIII). (BT)