DÍLI----Maske iha okaziaun Governu Timor-Leste Ho kompana Alto Oil and Gas sira assina Kontratu Fahe Produsaun nian hafoin Timor-Leste konklui prosesu regime tranzitorial hanesan Governu Norte Australia liu hosi Ministeriu Rekursu (MR) lamarka prezensa Maibe Garante estabilidade entre nasaun rua, Governu Australia Rekunese katak Tratadu ne’e rasik konserteza Rekunese Jurizdisaun no Direitu Esklusaun Timor-Leste nian.

Governu Norte Australia liu hosi Ministeriu Rekursu (MR) Senador Hon Matthew Canavan deklara Governu Australia Rekunese Tratadu Fronteira Maritima ne’e rasik konserteza Jurizdisaun no Direitu Esklusaun Timor-Leste nian hanesan Parte bo’ot ida hosi Area Dezenvolvimentu Petrolifeiro Konjuntu (JPDA-Sigla Inlesh) dahuluk.

“Hau hakarak hato’o hau nia Apresiasaun no Apoiu ba soberania esklusivu ba Timoroan sira atu deside saida mak akontese iha sira nia area no oinsa rekursu influensia sira iha area nasaun bele dezemvolve Timor-Leste nia interese,” mensagen liu hosi gravadu depois de diskursu Governu TL nian hotu, iha salaun Novu Turizmu, Kuarta-Feira (28/8).

Nia dehan, Governu Australia agora ba oin sei fo apoiu nafatin ba serbisu hamutuk atu dezemvolve Gas iha parte rejiaun ne’e hodi ajuda alkansa objetivu dezemvolvimentu Petrolifeiru TL nian. “Ami sei servisu hamutuk ho imi nia futuru atu ajuda alkansa objetivu imi nian no ami suporta maka’as hodi dezemvolve kona ba imi nia rekursu iha astralia ne’e no ami halo buat hirak ne’e liu hosi parseria ho nasaun sira ne’ebe hanesan,” tenik nia.

Nia adianta katak “ita nia nasaun rua iha futuru sei serbisu besik malu hodi hakat ba oin, hau hein katak hau sei ba vizita Timor-Leste iha tempu badak nia laran, hau deseza ba servisu buat hotu-hotu durante oras naruk nia laran ne’ebe la’o hela hodi to’o ne’eba nomos dezejo mos ba kompana hirak ne’ebe mak involve governu TL kontinua fo fiar hodi hala’o kontinua esplorasaun petrolifieru area tasi ketan permanente iha Bayu-Undan no kitan,”informa Ministeriu Rekursu (MR)Senador Hon Matthew Canavan. (BT)