DÍLI----Ministru Obras Públika (MOP) Salvador Eugénio Soares dos Reis Pires ne’ebe mak reprezenta VIII Governu konstituisionál Asina ona kontratu ho Kompañia Internasionál 2 hodi halo estudu ba dada Bee husi Mota Gleno no Railaku Munisipiu Ermera hodi fornese mai kapital Díli.

Tuir Ministru Obra Públika (MOP) Salvador Eugénio Soares dos Reis Pires hatete MOP asina kontratu ho kompañia rua ne’ebe atu halo estudu Bee iha Mota Gleno no Rai-Laku, oinsa atu halo barajen ida hodi halo produs Bee-Moos atu fornese mai Díli.

“Ohin ami asina kontratu kompañia rua ne’ebe mak liu husi prosedimentu CNA nian, manan atu halo estudu ba Bee Moos iha Mota Rai-Laku Glenu ne’ebe mak produs atu halo barajen, hodi Bee Moos fornese mai iha Díli,” dehan Ministru Obras Públika (MOP) Salvador Eugénio Soares dos Reis Pires, hafoin asina kontratu ho Kompañia rua iha Hotel Ramelau Aimutin, Kinta-Feira (22/08).

Governante ne’e hatutan Kompañia rua ho Orsamentu montante $1 Miliaun husi Orsamerntu Jerál Estadu (OJE) 2019 nian, ne’ebe mak iha fundu infraestrutura ho durasaun durante fulan 5. Tanba ne’e Estudu konaba kondisaun Bee nian, oinsa bele harii fasilidade atu retein udan been atu ense fali ba rai, tanba ita hotu hatene agora dadauk iha kapital Díli produs Bee husi 26 estasaun perfurasaun ne’ebe mak husi rai ne’ebe hodi fornese ba komunidade sira.

MOP informa tenderizasaun projeitu rua ne’e liu husi prosesu aprovizionamentu Kominasion Nasional Aprovizionamentu (CNA) no núneru REF/001/MOP-2019 ba estudu dada Bee husi Munisipiu Ermera mai kapital Díli, ne’ebe mak manan husi kompañia TEAM Consulting Engineer no Management PCL,Thailand in JV hamutuk ATT Consultant Company Limited, Thailand and in Association ho CQ2 Engineering Consultancy Diverso Unipessoal Lda.

Nia hatutan Projeitu ida mak ho numeru RFF/002/MOP-2019 ba estudu ba kondisaun Bee rai nian iha kapital Díli, no oinsa atu harii fasilidade retein Bee ba rai laran nian, ne’ebe mak husi hosi Kompañia Dongsung Engineering Co. Ltd, Korea no hamutuk ho Kai Watu Kmanek Consultant Unipessoal Lda. Tanba ne’e Sistema integradu ne’ebe mak iha hanoin atu halo, maibe problema hanesan fugas 80 too 90 hanesan ne’e, liu husi planu MOP hala’o no komponente ne’ebe halai liu ba sistema produsaun Bee nian.

Nia susjere estudu vibilidade ne’e mak fo rezultadu ne’ebe diak, hodi bele avansa ba dezeñu no engiáaria detallu atu bele halo barajen iha Rai-Laku no Gleno atu nune’e bele lori Bee mai iha kapital Díli. Governante ne’e hafora tan Bee Moos inkopera mos haidroeltriku, partejen estasaun harii eletrika ne’ebe mak nia poténsialidade bele produs too 50 MW, ita nia planu estratejia dezenvolvimentu nasional ho ita nia komprimisiu ba atinji Objetivu Dezenvolvimentu Sustentavel (ODS).

Salvador esplika tinan 2030 metade husi enerzia fornese ona husi enerzia venefarel, tanba ne’e husi estudu rua ne’ebe importante tebes bele fo benefisiu multi nasional ba ita nia infraestrutura liu-liu Bee Moos ho Saneamentu. Nia hatutan Estudu ba fulan lima no Orsamentu $1 Miliaun ba estudu rua ne’e hotu, ida ne’e sei dependa ba levantamentu dadus ba estudu ne’e rasik. Tanba ne’e primeiru estudu viabilidade tenki iforma katak, posibilidade ne’e ba halo ho avansa ba iha dezeñu enginária detallu, atu nune’e mai mos ho nia kustu konstrusaun ne’ebe mak iha investimentu ne’ebe ita hala’o.

Governante ne’e realsa tan ita nia investimentu ba projeitu integradu ne’e la’os deit ba dada kanu, hanesan sistema tratamentu harii tratamentu no mos distribui ba kada uma kain sira, estudu rua ne’e hare liu ba komponente ida atu produsaun Bee nian. Tanba ne’e mak agora ita depende hela ba Bee husi rai okos, ita dada Bee sai husi rai okos 26 estasaun perfurasaun ne’ebe mak agora dadauk ita iha, ida ne’e la sustentavel, bainhira ita la ense fali ba rai. (BT)