DÍLI----Ministériu Obras Públika (MOP) Salvadór Eugénio Soares dos Reis Pires iha loron Sexta-Feira 02/08 Asina ona kontratu ho kompañia kontrator 48 ne’ebé iha tinan ne’e hetan fiar hodi konstrui estrada rurál iha Timor laran tomak.

“Governu Timor-Leste liu husi MOP Asina kontratu ho kontraktor 48 ne’e hodi konstrui estrada rurál iha Timor laran tomak ho projetu pakote 48 ho orsamentu millaun $15 ho durasaun konstrusaun tinan ida,” dehan Ministru Salvadór Eugénio Soares dos Reis Pires hafoin remata asinatura kontratu ho kompañia kontraktor 48 iha Hotel Novo Turismu Sexta-Feira (02/08).

Governante ne’e hatutan Asinatura simboliku kontratu ba projetu 48 no pakote sei iha pakote 18 liu husi fundu infraestruta ne’ebé tenderizasaun sei fó sai iha tempu badak, 48 pakote ne’ebe mak fo sai iha fulan hirak liu no manan nain sira liu husi prosesu ida rigorozu.

Governante ne’e espera kontrator sira ne’ebe sai manan nain, sira iha kualidade duni no sira bele ezekuta obra ne’e tuir tempu ne’ebe mak determinadu iha kontratu, iha kualidade tuir prespektativa Governu nian ne’ebe mak tau ona iha kontratu atu nune’e sira bele haktuir ho diak.

Salavador realsa tan iha fulan Marsu tinan 2019 Governu liu husi MOP asina akordu ho parseiru dezenvolvimentu Governu Australia nian ne’ebe mak to’o iha tinan 2021, kompromete tinan 2017 to’o 2021, ba faze Segundu nian ne’ebé mak kompremete fo $25 Miloens ba finansia asistensia téknika inklui ILO.

Governante ne’e informa Governu Timor-Leste nia papel mak tau osan hodi halo konstrusaun kada tinan, ne’ebe mak kompromete kada tinan Governu tau osan $20 Miloens, ne’ebe mak tinan ida ne’e no tinan oin sei iha tan tenderizasaun ne’ebe mak hanesan. Iha fatin hanesan Diretora Kompaña Nautetu I II Lda.

Maria de Fátima Imaculada Correira promete Kompaña Nautetu servisu iha projetu ida hakarak ho kualidade no mos pontualidade ba tempu, ne’ebe mak iha hakarak sai kualidade no pontualidade ba ita nia povu sira.

“Tanba ne’e agradese tebes oportunidade atu bele mai iha ne’e atu asina kontratu ida ne’e, tanba asina kontratu ne’e agradese tebes ba Ministru atu asina kontratu mai iha ne’e, hanesan fo motivasaun ba kontratores sira hotu atu nune’e bele servisu ho laran diak,” dehan nia.

Alende ne’e Diretor Kompañia FIN-LOS Tomás Mendosa haktuir esperensia konaba kordenasaun ho autoridade lokais sira no ita nia kordenasaun ne’ebe mak diak ho Ministeriu no tékniku sira hodi nune’e implementasaun projetu bele termina tuir tempu. Nia fiar asina kontratu ida ne’e tanba tuir tender no aumesmu tempu lori projetu ne’e hanesan manan nain ba tender ida ne’e, tanba projetu ida ne’e tenki tuir nia kualidade ho ninia espesifikasi ne’ebe mak diak husi MOP. (BT)