FLORES----Ekipa Delegasaun Husi Timor Leste hamutuk nain 15 halao visita ho naran Familiarizion Trip (FAMTRIP) Media TA/O Timor Leste Labua Bajo – Bali, ne’ebe organizasaun husi Ministru Turismu Indonesia nomos akompana husi Ekipa Kedutaan Besar Indonesia iha Timor Leste hodi lori Delegasaun TL partisipa iha Espozisaun Flores ou Florata (Indonesia).

Ekipa Delegasaun Timor leste ne’ebe hanaran FAMTRIP kompostu husi Alice Maria husi Obrigadu Tour no Travel, Angelo Viegas de Araujo husi Lagrima Travel, Flora de Araujo Franco Husi Fast Tour no Travel, Astuti Soares husi Iana Tour, Anarela Dos Santos Mendosa Husi Uno Travel Dili, Veonita Amena Dos Santos Husi Gesano Tour and Travel, Cesarina Maria XImenes husi Fatubesi Travel, Veydora Maria Brazao Oliveira husi Timor Post, Pedro Ximenes Husi Media Business Timor, Evanio Cesaltino Orange Tour and Travel, Franky husi Ace Travel, Iman Hanafi husi Antika Travel, Madalena Horta Husi STL, Andrie Taufan Asmara Husi Media Timor.

Husi ekipa delegasaun ne’ebe mak iha konsege foti ain sai husi Dili Timor Leste iha loron 29 fulan jullu ba Kupang no direitamente ba profisia Flores, bainhira Ekipa Delegasaun to’o iha Aeroportu Komodo Flores tuku 5 lokraik no direitamente simu husi Ekipa Ministeriu Turismu Indonesia nian nomos hodi tara Tais ba Delegasaun ida Idak tuir Kultura ne’ebe laiha diferente ho Timor Leste.

Bainhira Remata Tara Tais Ekipa Delegasaun sira kontinua kedas nia Trip ba iha Fatin Turismu ne’ebe ohin loron kuinesidu ho naran La Cecile atu hare Loron Matan nian Furan wainhira monu, maibe ida dalan ba La Cecile Funsionariu AJensia Travel Florata hodi Konta Istoria Kona ba Prosesu Profisia Flores rasik to’o ohin loron, Maske sente Kolen iha viagen Dili ba Flores maibe ho istoria ne’ebe konta konsege hetan atensaun Maksimu Husi FamTrip sira tanba istoria foun tebes.

Maske distansia husi Aeroportu ba iha La Cecile ladok kuaze lori Minitu 15 nia laran to’o iha fatin refere, wainhira to’o iha fatin La Cecile Ekipa sente hafodak hodi hare Lacecile nia furak ne’ebe mak iha. Husi Delegasaun balun konsege hasai liafuan balun hodi Louva Area La Cecile nia Furak tanba iha Foon ida ne’ebe ass Tebes hodi hare Loron matan nia monu inklui Ilha ne’ebe nakunun hodi hafutar ho Ro ho kores oin oin nomos Modelu Oin oin.

Husi fatin ne’e Delegasaun sira konsege hasai foto hodi hein loron matan nia monu, balun konsege hasai foto hodi hare illha nia furak, balun hamlaha hamaluk ho dosi nomos bebidas balun sente kontenti liu tan tanba bele to’o iha fatin refere.

Hare ba oras lao dadaun Ekipa delegasaun simu bolu husi mata dalan ne’ebe lori Delegasaun sira “Teman teman waktunya sudah hapis kita berangkat” rona lian ne’ebe iha ekipa sira bolu malu hodi hakat neineik ba kareta turista nian hodi kontinua ba iha sidade Flores ne’ebe kuaze la dook husi area refere.

Iha dalan klaran balun komesa mosu hanoin balun oinsa bele troka sira nia osan husi Dollar ba iha Rupian, husi Dollar ba iha Rupiah Ekipa delegasaun sente kontenti tanba Dollar ba Rupian folin boot tebes, maibe konfundi oinsa bele komprende osan Rupiah ne’ebe mak iha.

Depois remata toka osan ekipa delegasaun kontinua nia viagen ba iha fatin deskansa (hotel) ne’ebe kuinesidu ho naran Jayakarta, to’o iha hotel Jayakarta ekipa balun hahu foti sira nia deskansa ministu balun kontinua hariis hodi han kalan.

Iha han kalan ne’ebe mak furak tebes maske Flores Nudar profinsia Indonesia maibe hare ba Kultura laiha Diferente ho Timor Leste tanba Musika Timor Leste (tetun) populasaun barak tebes mak hatene hanesan Musika o Nonoi, iha han kalan iha mos animasaun kanta husi Delegasaun Timor Leste nomos Indonesia. Depois de remata han kalan delegasaun sira deskansa hodi hein programa aban nia, maske Oras Timor Leste Diferente ho Flores oras ida maibe klima no ambiente laiha diferente ho Timor Leste.


Loron da Ruak.
Iha loron Daruak Ekipa delegasaun Simu husi Matadalan iha tuku 7 dader ho lao tuir orariu ne’ebe mak iha mak halao visita ba iha Illa Padar nomos Illa Rinca, wainhira ekipa sira hakat sai husi hotel ho kareta Tour nian ba iha Portu Labua Bajo Ne’ebe la Dok husi sidade kuaze minitu 20 viagen, hodi kontinua lao ba iha Illa Padar ho Ro kiik ne’ebe mak prepara ona husi komisaun sira.

Husi portu ba iha Padar lori Minitu 80 ka oras ida minitu 20, ekipa delegasaun sae ro ho kontenti hare illa sira ne’ebe mak hafutura Profisian Flores tanba Flores kuaze illha kiik hamutuk 70 resin, balun hasai foto, balun hare tasi nia furak, balun konta istoria hodi hamaluk viagen nia furak.

Bainhira to’o iha Illa Padar ekipa sira nia hare illa refere hanesan foho bain bain maibe depois delegasaun sira to’o iha foho nia tutun hare iha refer furak tebes hodi haleu ho tasi nia furak no kores. Maske iha refere nia ass ne’ebe dook uituan husi Foho Cristo rei(Dili) maibe nia modelu ladiferente entre Padar no Cristo Rei Dili.

Iha delegasaun balun nia ibun hahu hasai liafuan hodi kolia illa padar nia furak “ wao Furak tebes” maibe balun nia sentimentu no domin ba Timor hodi hasai mos liafuan “ laiha diferente ho Cristo Rei, ita hare tasi mak haleu uituan maibe modelu atu hanesan ho Cristo Rei ninian”.

Husi liafaun hirak ne’e hatudu katak Cristo Rei mos pontensial tebes ba fatin Turismu, Maske Visita refere iha illa Padar tanba domin ba Timor, Delegasaun Framtrip balun konsege hasai Bandeira Timor Leste hodi hamrik iha illa Padar nia leten no hetan tiru husi visitante barak nia matan ba Bandeira Timor Leste.

Depois de Remata visita oras 2 nia laran ekipa delegasaun kontinua halao visita ba iha illa Padar hodi hare animal Komodo, no kontinua viagen ba iha Fatuk Lalek ne’ebe mak oras ne’e kuinesidu iha Flores. (BT)