João Olivio Freitas
João Olivio Freitas

João Olivio Freitas
DÍLI----Relasiona ho Negosiu Online ne’ebé ohin loron Invade Timor-Leste, Prezidente Autoridade Nasional Comunikasaun (ANC) hateten katak ANC laiha konpetensia atu bele halo kontrolo maibe ida ne’e Konpetensia husi Ministeriu ne’ebé tau matan ba iha atividade Komersiu nia.

Presidente ANC João Olivio Freitas hatete, parte Autoridade Nasional Komunikasaun nia servisu maka hanesan regula ba seitor Telekomunikasaun, hodi tau matan ba dezenvolvimentu inklui regula infrastruktura hodi fasilita komunikasaun entre ligasaun rai laran no mundial.

“Ne’e dunik ida ne’e signifika katak, ami iha responsablidade atu asegura katak infrastruktura refere iha dunik, hodi nune’e bele hetan regulasaun ne’ebé diak para ema hotu bele asesu hodi bele utiliza tuir padraun ne’ebé governu hatur ona iha planu estrategiku (PEDN),” esplika João ba Jornalista BT iha k’nar fatin Merkadu Lama semana liuba.

João dehan ANC nia servisu kria infranstrutura mak hanesan Internet hodi nune’e publiku bele asesu maibe atu halo kontrolu no regularize Bisnis liu husi Internet laos kompentensia ANC. “ANC nia servisu maka hare’e kona-ba dezenvolvimentu estrada elektronika, maka hanesan internet.

Ne’e dunik wainhira internet disponivel ona maka ema hotu bele asesu iha ne’eba, exemplu maka wainhira estrada iha ona maka kareta hotu bele halai iha ne’eba, ”dehan João foin lalais ne’e. João subliña katak, Autoridade Nasional Comunikasaun (ANC) nia servisu mak fasilita deit dezenvolvimentu internet ba publiku maibe sira ne’ebé atu fan sasan iha rede Online atu halo kontrolu parte seitor kompetente Comercio.

“Ne’e dunik kona-ba lisensa atu halo negosio Online ida ne’e so parte Comercio ho SERVE maka bele hatene, tanba ami nia servisu maka oinsa bele dezenvolve infrastruktura elektronik (internet) iha Timor laran, ”imforma Presidente ANC. (BT)