DÍLI----Servisu Rejistrasaun Verifikasaun Emprejárial (SERVE) tinan ne’e konsege emiti serfikadu ba 7 mil ba kompañia sira hodi nune’e bele hala’o atividade hanesan konstrusaun nian.

“SERVE kompara ho iha tinan ida ne’e nia laran mak SERVE konsege emite sertifikadu de’it, 7 mil hanesan ne’e tinan kotuk nian, agora ba tinan ida ne’e nia laran, fulan-fulan ita konsege emite ona rihun rua liu ne’e siknifika katak, númeru ne’e bot liu ita kompara ho tinan kotuk,” hatete diretor Ezekutivu SERVE, Florencio Sances ba BT foin lalais ne’e.

Nia dehan ohin loron fulan-fulan SERVE konsege emite sertifikadu rihun rua liu, entaun ida signifika katak, rihun rua nulu liu, agora tinan kotuk rihun hitu de’it signifika katak, aumenta porsentu no aumenta ne’ebé mak boot. Kona-ba sira ne’ebé hetan tiha lisensa sira sei halao sira nia atividade tuir idak-idak ninia kretividade liu husi oportunidade sira ne’ebé mak sira kria.

Nia infroma ohin loron kompañia lokal ne’ebe hasai lisesnsa barak liu kompara ho kompañia sira mai hosi tasi balun ka kompañia estranjeiru. “Agora kompañia ne’ebé mak ita timor oan hari iha teritórriu timor laran tomák hamutuk 24 mil empreza ida ne’e 10 to’o 15% mak ema estranjeiru, agora husi ida ne’e ema estranjeiru, ba ema sira ne’ebé mak mai hosi pais Indonezia ho Xina nasaun rua ne’e troka númeru maibé sira ne’e ema estranjeiru nian,” dehan nia.

Kompañia lokal ohin loron domina 85% barak liu hala’ao sira nia atividade iha area konstrusaun. Tanba ne’e iha ninia papel ida atu enkorajen kompañia nasionál ba timor oan sira hodi bele halo atividade iha area turismu no agrikutura tanbá ne’e mak sei fó benefísiu boot ba nasaun nia futuru no mós ba dezenvolvimentu. (BT)