DÍLI----Timor Leste hetan ona indepedensia durante tinan 17 maibe iha munisipiu povu barak sei infrenta problema bee no estrada tanba iha postu administrativu Cailaco povu agrikultor sei infrenta irigasaun hodi fasilita bee ba natar inklui mos estrada.

Maske postu refere potensial ba iha agrikultores maibe Irigasaun no estrada kontinua sai difisikuldade ba sira hodi dezenvolve seitor agrikutlra nomos oinsa bele lori produtu tama ba iha Munisipiu Maliana. Tuir xefe suku Manapa Jefarino Locobere hateten munisipiu Maliana durante ne’e potensial ba natar ne’e bo’ot iha Timor maibe husi tempu portugues to’o ukun rasik an seidauk resolve povu agrikultor sira nia problema hanesan be’e ho estrada.

“hau sente triste teb-tebes ho politika Timor Leste nian tamba durante ne’e ami hare no Timor Leste maioria agrikultura liu - liu ba ami munisipiu Maliana kuaze 10 mil ital hectares natar maibe governu seidauk iha meius par resolve problema ne’ebe mak komunidade sira enfrenta liliu ba ami munisipiu Maliana postu administrative cailaco,” dehan Xefe Suku ba Jornalista sira iha sede suku Atudara cailaco,sexta (15/03).

Xefe Suku dehan tamba postu administarivu cailaco problema be’e ba natar tamba iha natar ne’e kuaze iha munisipiu Maliana nudar segundu lugar ho natar ne’ebe mak total 1.700 hektares maibe irigasaun no estrada sidauk rejolve. “Ne’ebe hau hanesan autoridade mos hau sente kontente tebes ho governu ida ne’e tamba nia kria netik politika ida ke tau osan duni ba BNCTL atu fo kredit ba agrikultor sira para oinsa kreditu hodi hatan netik ami nia preokupasaun balun”dehan nia tan.

Nudar autoridade sente kontenti ho apoiu ne’ebe mak BNCTL fasilita bele rejolve ona problema ne’ebe mak durante ne’e povu postu refere hasoru liu liu problema fasilidade hanesan traktor. “Hau hateten iha Cailaco halo natar liu husi udan be’en deit laiha irrigasaun mas enkuantu udan be’en ne’e diak ne’e sira hetan produsaun ne’e a’as,sei udan be’en ne’e menus entaun produsaun mos menus”afirma nia.

Nia hateten,husi Ministerio Agrikultura I Peskas (MAP) ho Ministeriu Obras Public (MOP) sira halo ona survey ba be’e ho estrada nomos halo ona peskiza depois sira hatama proposta liu husi Ministeriu Munisipal nian ba nasional mais to’o agora seidauk iha nia resultadu mos.

“Soke irrigasaun seidauk permite par sira atu halo natar ka desemvolve diak ba sira nia natar tamba hanesan ohin representa ita nia agrikultor sira hateten ne’e natar ne’e barak maibe be’e la iha no fasilidade mos menus ka la suporta I nomos estrada kuaze husi merkadu Maliana to mai suku refere mos kondisaun estrada ne’e mos susar ba komunidade postu cailaco nian par atu lori sira nia produto ba iha merkadu municipal nian,” klarifika nia.

Nia rekomenda katak ba ministeriu relevante liu-liu Ministeriu Agrikultura atu oinsa bele tau planu bele resolve tirrigasaun be’e no estrada iha postu administrative cailaco ninian. Nune’e Reprezenta Presidente Municipal Maliana Julio Carvalho Caerio hatutan katak maliana nia problema mak hanesan be’e ho estrada tamba povu sira atu desemvolve natar sira uza deit udan be’e ka sira halo natar mos iha tempu udan.

“Ne’ebe husi autoruidade municipal halo proposta hele deit ba problema sira ne’e mais husi nivel nasional seidauk hatan ka responde ne’ebe ida ne’e hanesan mos sei tau iha programa 2020 nian tamba tinan ida ne’e ami tau preoridade liu ba iha centru sira lai depois tinan 2020 mak foin ami buka meius halo planu ba irrigasaun I estrada mos ba estrada sira ne’e ami komesa hadia netik ona,” dehan reprezenta Adjunto Presidente Munisipiu Maliana. (BT)