DÍLI----Timor Leste nudar nasaun ne’ebe nia populasaun maioria moris ho agrikultura maibe to’o ohin loron sidauk iha mudansa ba seitor agrikultura ne’ebe povu nudar nain lolos ba area refere tanba sidauk hetan apoiu maksimu.

Hare ba problema refere sai oportunidade nomos planu ba Banku Nasional Comerçio Timor Leste (BNCTL) nudar uniku banku Estadu Timor Leste hodi hamosu planu oinsa bele hakbiit liu tan produsaun ne’ebe mak povu sira iha. Tan ne’e BNCTL direitamente fasilita kreditu traktor ba agrikultura sira oinsa bele hasae produsaun povu agrikultura sira bele hasae podutividade rai laran.

Tan ne’e BNCTL lansa kreditu liu husi traktor ba argikultura sira Cailaco (Maliana) oinsa bele ajuda povu bele hasae produtuvidade rai laran. Tuir prezidente BNCTL Brigido de Sousa hateten katak Programa Lasamentu kreditu Traktor ba grikultura sira nudar fase dahuluk ne’ebe BNCTL iha hodi hadia produtividade hare ka fos iha vida agrikultor sira iha komunidade Cailaco.

Presidente BNCTL Brigido de Souza hateten iha tinan 2019 BNCTL fasilita ka fo kreditu tratores 18 ba povu agrikultor sira maibe ida ne’e etapa dahuluk fo apoiu bainhira kuandu agrikultura sira hatudu rejultadu ne’ebe diak mak sei tau mos ba iha munisipiu seluk ne’ebe mak iha.

“Esforsu no selu lalais ami sei kontinua apoiu fasilidade ka liu husi fo kreditu tan ba munisipiu seluk hodi solusiona agrikultor nian tamba ami hare husi Maliana ho Atabae ne’e potensia bo’ot ba iha natar,” dehan Presidente BNCTL Brigido de Souza ba jornalista sira bainhira entrega traktor no makina ba agrikutlra sira iha Postu administrativu Cailaco, Maliana, Sexta-Feira (15/03).

Nia esplika aktak Kreditu ne’ebe BNCTL fo ba agrikultor sira mak hanesan Traktor, Makina sama hare oinsa bele ajuda agrikultor sira bele dezenvolve diak liu tan seitor agrikultra bele sai sustentabel liu tan hodi kontribui ba dezenvolvimentu Timor Leste.

Prezidente dehan durante ne’e BNCTL fasilita ona kreditu kiik barak iha Munisipiu Maliana inklui mos iha Leohitu no ohin loron BNCTL kontinua esforsu hodi fasilita kreditu traktor liman ba iha grupu Agrikultor sira iha Cailaco oinsa bele dezenvolve diak liu tan seitor agrikultura.

Alende ne’e mos afirma katak kreditu ne’ebe BNCTL fornese laos deit iha munisipiu Maliana maibe iha mos munisipiu seluk hanesan Ermera, Baucau, Suai inklui mos munisipiu seluk mos maibe ho kreditu ne’ebe diferente ka tuir potensialidade ne’ebe iha.

“BNCTL Fo konfiansa Ita hatene katak maliana ho atabae partikularmente iha potensia bo’ot teb-tebes ba agrikultura liliu emtermus de kuda hare ka natar nian, tamba ne’emak iha natar ne’ebe maka bo’ot hau sei lasala iha 10 mil hektares ne’ebe mak natar deit iha maliana ne’e deit,” hateten nia.

Prezidente mos dehan BNCTL fo kreditu traktor ba iha Munisipiu Maliana tanba Munisipiu refere potensial boot ba seitor agrikultura liu liu hare. “Hau hanoin importante mos ita hot-hotu hatene katak ita nia rai ne’e potensia iha ema barak maka setor agrikultor liu iha natar ne’ebe bo’ot maibe ladun produz,” Tenik nia.

Nia dehan Durante ne’e Timor Leste nudar nasaun ne’ebe maioria nia populasaun moris hanesan agrikultura maibe kontinua dependensia ba produtu importasaun husi nasaun seluk mak hanesan Vietnam, Thailandia, Kamboja nomos Indonesia rasik.

“Tamba ne’e ami hanoin ida ne’e sente orgullu tamba primeiru lugar hetan fiar husi ita bo’ot sira ne’ebe mak hato’o proposta mai banku hodi hetan ka ami konsidera no Ohin loron ami finansia ka fo makina ba ita bo’ot sira hodi fo apoiu ba atividade iha setor agrikultura ne’e,”.

Nia mos promete katak BNCTL kontinua esforsu atu oinsa bele apoiu kreditu liu husi fasilidade sira hodi dudu dezenvolvimentu seitor agrikultor nian tanba banku laos deit atu simu osan maibe oinsa mos fasilita fali kreditu hodi dezenvolve nasaun ne’e liu husi apoiu seitor agrikultor ne’ebe Timor Leste iha.

Iha biban ne’e mos Xefe do grupo ne’ebe mak kreditu hand-trator Almeida Soimali sente orgullu teb-tebes ba VIII governu ne’ebe mak tau orsamentu estadu ba iha Bancu Nasional Comersiu de Timor Leste (BNCTL) hodi fo kreditu ba agrikultor sira hodi buka.

“Failansu ne’ebe mak ami infrenta mak ne’e,udan ne’e tinan ida mai dala ida i problema bo’ot ba ami agrtikultor sira tamba trator ne’e menus i ema ne’ebe iha trator ema sei halo ulun ema nian mak faoin ami ida laiha ne’e mak ami halo tan ami nian,” katka nian.

Tan ne’e nia agradese tebes ba BNCTL tanba bele responde ona ba komunidade Cailaco nia problema tanba durante ne’e traktor sai problema boot ba iha agrikultor sira ne’ebe laiha traktor maibe liu husi apoiu ne’ebe iha sei fasilita liu tan agrikoltor sira.

“Mesmu ajuda liu husi kreditu maibe ne’e hanesan parte ida facilita ami povu agrikultura sira hodi hadia no lalais hadaun udan be’ene bainhira tempu udan halo natar no espera katak ami sei esforsu hodi selu saida mak BNCTL sira fo sustennta ka kreditu ba ami povu agrukultor sira.dehan nia,”.

Nia mos lori grupu nia naran informa katak sira sei kontinua kompri sira nia dever ne’ebe mak konkorda ona entre sira ho BNCTL rasik.
Iha sermonia ne’e marka prezensa husi Grupu agrikultor sira inklui mos autoridade husi Munisipiu nomos gerente husi banku BNCTL rasik. (BT)