DÍLI----Relasiona ho lei numeru 15/2017 konaba investimentu privadu foun ne’ebé hetan ona promulgasaun hosi Presidente da Republika Timor-Leste iha dia (23/08/17), tanba ne’e Trade Invest komplementa hodi aprezenta ba CCI-TL para halo diskusaun profundu antes implementa.

Diretor Ezekutivu Trade Invest Timor-Leste Arcanjo da Silva hatete, materia ne’ebé sira aprezenta ba estrutura CCI-TL ne’e ho naran lista negativa atu komplementa lei investimentu privadu foun No.15/2017, ne’ebé maka promulga ona hosi Presidente da Republika iha 23/08/2017.

Arcanjo hatutan, artigu 9 lei investimentu foun ne’e ejiji atu iha lista negativa hodi komplementa, tanba objetivu prinsipal atu fo mensajen klaru ba investor nasional no internasional katak, setores ka sub-setores ida ne’ebé maka Timor-Leste hakarak loke ba ema hotu-hotu (investidores) nasional ou internasional, maibe setores sira ne’ebé presiza rezerva (domina estado) no setores ne’ebé maka ema bele asesu mais restrito (tenki priense kriteria regirozu) konsidera interese nasional, interese dezenvolviemntu nasional, interese setór privadu nasional foin bele autoriza ema seluk (estrangeirus) hodi investe.

“Tanba se lei hirak ne’e la iha, ita la bele ko’alia, tanba presiza iha instrumentu legal atu hatete katak, ida ne’e la bele mais ho lei no ida ne’e bele tanba lei haruka. Tanba kuandu ema estranjeirus mai investe ita dehan la bele, nia husu lei ida ne’ebé maka bandu, ne’e dunik objetivu prinsipal maka ida ne’e,”esplika Arcanjo iha edifisiu CCI-TL.

Arcanjo sublinha katak, Trade Invest nia pozisaun klaru hakarak dezenvolve ekonomia nasaun, ne’e dunik liu hosi papel importante ne’ebé CCI-TL iha ba area investimentu no komersiu, tanba ne’e Trade Invest mai hodi halo konsulta ho CCI-TL.

Arcanjo realsa katak, lista negativa signifka katak setóres sira ne’ebé maka alista iha lista negativa ne’e kompostu hosi kategoria tolu, (1) provie ba setór privadu nasional no internasional hodi investe fika para dumina estado, (2) ristrito signifka, ema (estrangeirus) bele investe mais ho kriteria rigorozo, ne’ebé bele dehan partisipasaun estado tenki iha no partisipasaun setór privadu nasional tenki iha i depois maka investor estrangeirus bele halo nia investimentu.

Ne’e dunik la liu hosi ida ne’e sira estrangeirus la bele halo sira nia investimentu, tanba atu asegura interese nasional no interese setór privadu nasional. (3) sobre krimi signifika prosesu naruk liu tan hanesan, tenki priense kriteria ambientais, sosiais no tekniku ekonomikus, ne’e dunik so priense ona kriteria hirka ne’e maka Trade Invest foin bele fo lisensa, se la priense signifika la bele.

Arcanjo reforsa katak, lista negativa (1) atu fo klareza ba investimentu hotu-hotu, (2) persiza reserva setór privadu ne’ebé maka ki’ik ba dumina estado hodi husik ba rezervado rigorozomente ba sosio entre nasional no internasional, i totanio bele dehan husik deit ba setór nasional, tanba ne’e maka presiza iha lista negativa ida ne’e.

Iha fatin hanesan Presidente CCI-TL Oscar Lima hatutan katak, aprezentasaun ida ne’e halao ho inisiativa atu lista negativa ida ne’e bele iha apropriadu tuir emprezario nasional nia hakarak, maibe la signifika atu taka dalan ba estrangeirus sira hodi investe. (BT)