DÍLI----Governu Timor Leste liu husi Ministru Obras Públikas (MOP) liu husi Enkontru Konsellu Ministru hodi aprezenta proposta alterasaun akordu subsidiariu ne’ebé governu Timor Leste ho Governu Australia estabelese kona ba estrada ba dezenvolvimentu (Road of Development–RD4 ba faze daruak.

Proposta alterasaun ne’e aprezenta direitamente husi Ministru Obras Publiku Salvador Eugenio Soares Dos Reis Pires iha enkontru Konsellu Ministru hodi halo aprezentasaun ba proposta alterasaun akordu subsidiáriu ne'ebé Governu Timor-Leste selebra ho Governu Austrália kona-ba Estrada ba Dezenvolvimentu (Road of Development-R4D) faze daruak.

“Programa R4D ne'e programa Governu Timor-Leste nian ne'ebé inisia iha tinan 2012, konta mós ho apoiu tékniku husi Governu Austrália no mós Organizasaun Internasionál Traballu (OIT) ho objetivu atu lori benefísiu sosiál ekonómoku ba populasaun iha área rurais liuhosi estrada rurál no kria kondisaun di'ak rede estrada rurál ba nasionál,” hatete komunikadu ne’ebé BT sita hosi Portal Governu Timor-Leste.

Ho projetu ne'e rehabilita ona estrada rurál 552 KM, kria ona laboratóriu sira hodi halo teste ba kualidade rai iha munisípiu balun no promove kapasidade setór públiku no privadu ba jestaun rehabilitasaun no konstrusaun ba estrada sira. Durante faze daruak, dezenvolvimentu polítika estrada rurál no implementasaun sistema padraun dezeñu no konstrusaun estrada rurál atu asegura nia kualidade.

Iha komunikadu ne’e mós sita katak, reuniaun KM ne’e aprova proposta dekretu Governu ne'ebé aprezenta husi Ministru Finansas (MF) Sara Lobo Brites, kona-ba ezekusaun Orsamentu Jerál Estadu (OJE) tinan 2019. Ho diploma ne'e, aprova ona norma no prosedimentu ezekusaun, monitorizasaun reporte ne'ebé bele aplika ba OJE 2019.

Aliende ne'e KM aprova mós proposta dekretu lei regula rejime jurídiku ba operasaun petrolíferas ne'ebé aprezenta husi Autoridade Nasionál Petróleu no Minerais (ANPM). Dekretu lei ne'e aprova ona no kria rejime jurídiku espesiál ba esplorasaun no produsaun petróleo no gas naturál (upstream) iha zona terrestre (onshore) Timor-Leste nian bazeia ba artigu 31° Lei Atividade Petrolífera.

Ho Proposta ne’ebé mak aprezenta husi Ministeriu Obras Publiku liu husi enkontru Konsellu Ministru tersa feira (05/03) kontinua analiza proposta alterasaun Akordu Subsidiáriu ne’ebé selebra ho Governu Austrália ba projetu “Estrada ba Dezenvolvimentu” (Road for Development-R4D) faze-II ne’ebé mak aprezenta hosi Ministru Obras Públika.

Projetu ida ne’e rehabilita ona estrada kilómetru 552, kria ona laboratóriu ba teste rai nian iha munisípiu balun mós promove asaun dezenvolvimentu kapasidade setór privadu no públiku nian iha área jestaun, kona-ba rehabilitasaun no konstrusaun estrada. Iha faze daruak ne’e, programa ne’e sei fó apoiu ba estabelesimentu forum interministerial ba asuntu estrada no dezenvolvimentu rural atu nune’e bele asegura kualidade ona. Nune’e, Konsellu Ministru fó poder tomak ba Ministru Obras Públika atu halo asinatura ba akordu ne’e. (BT)