DÍLI----Assosiasaun Da Resistensia Nasional Libertasaun Dos Veteranus (ARNLV) hari’i ho objektivu atu implementa programa 3 hanesan, Dezenvolvimentu Institusional, Ekonomia no Sosial.

Assosiasaun Da Resistensia Nasional Libertasaun Dos Veteranus (ARNLV) harii iha loron 19 fulan Janeiru 2018 ho estatutu rasik, ne’ebé hetan aprova hosi Notariado liu hosi Ministerio da Justiça iha loron 23 fulan Agostu. Ikus mai hetan publikasaun iha Jornal Da Republika iha loron 31 fulan Agostu 2018.

Presidente ARNLV Eduardo da Costa hatete, Assosiasaun refere funda ho prinsipiu no objektivu ho responsablidade no independente (livre) hosi partido politocos sira hotu, hodi sai hanesan parseria governu nian ba dezenvolvimentu hotu-hotu no submete ba Sekretario Do Estado Veteranos no Ministerio  ho instituisaun relevante sira, para dezenvolve programa Assoasiasaun nian ba tinan 4.

Eduardo hatutan, programa assosiasaun nian ne’ebé sei implementa iha tinan 4 maka hanesan, (1) Dezenvolvimentu Instituisional, Verifika Dados Veteranos hodi fo Certifikado ba Veteranus sira, halo Sede Veteranus iha Dili, Instala Assosiasaun dos Veteranus ba munisipiu, sub-distritu, suku no aldeia inklui halo kartaun ba Veteranus sira hodi identifika lolos.

Programa (2) Dezenvolve area Ekonomia maka hanesan, Cooperativa, Agrikultura, hakiak Karau, hakiak Fahi, Pesca, Pecuaria, Industria, konstruksaun Civil, halo uma ba Veteranus sira no ajuda ema kbi’it laek, dada be’e mos no dada ahi (elektricidade) ba suku ne’ebé seidauk asesu inklui halo moru hadulas ba Cimiterio heroir nian iha We-Dauberek (Alas), afirma Presidente ARNLV.

Eduardo realsa katak, programa (3) maka Dezenvolve Sosial hanesan, halo eskola hodi hanorin lian Português bazeia ba artigo 130 iha konstituisional RDTL, halo Creces ba labarik kikoan sira, halo alimentasaun diak no siguransa hodi proteje saude labarik nian. (BT)