DÍLI----Relasiona ho Orsamentu Jeral estadu (OJE) 2019 ne’ebé veta husi Presidente Repúblika iha loron 24 fulan Janeiru, Presidente bankada PLP Francisco de Vasconcelho hatete, bainhira halo ajustamentu ba proposta OJE maka sei dada tempu naruk liu tan tanba konsidera lei foun.

Tuir Xefi Bankada ne’e katak, karik halo ajustamentu ruma ne’e konsidera lei foun tuir konstituisun PR iha tempu loron 30 bele veta ka promulga. “Ne’e signifika katak, ita dada tan tempu PR estuda lei ne’e kuaze fulan ida resin ami reseu se ita halo re ajustamentu ba PR estuda fulan ida tan ne’e sei hanaruk tan situasaun ida ne’e,” dehan Presidente bankada PLP Francisco de Vasconcelho iha uma fukun Parlamentu Nasional, tersa-feira (29/01).

Nia esplika, bainhira halo de’it konfirmasaun maka iha loron 8 nia laran tenke promulga tuir konstituisaun tanba ne’e tribunal maka sei halo interpretasaun ba lei sira ne’ebé mak iha. “Iha enkontru lider bankada sira katak, iha hanoin balun mai husi bankda PD hodi husu atu deputadu sira halo díalogu maibé preukupasaun maka atu halo diálogu ba ajenda saida tanba públiku uja de’it liafuan diálogu maibé liafuan mamuk,” nia deklara.

Tanba asuntu saida maka atu diskuti Presidente Repúblika veta Orsamentu Jeral ne’e preukupasaun PR nian katak osan boot liu laiha sustentabilidade tanba presija tau osan iha área edukasaun, agrikultura, saúde ne’e hatudu katak PN iha kompetensia halo konfirmasaun votus ka bele halo ajustamentu tuir Presidenti nia veta.

Agora PR rasik mós husu atu halo diálogu maibé orsamentu preve tiha ona tanba ne’e PN iha mekanismu rasik atu halo diálogu no diálogu maka liuhusi plenaria governu mai ho proposta PN bele hatun ka hasa’e osan no proposta balun liu balun la liu ne’e mekanismu PN nian.

“Tanba ne’e diálogu ekstra ne’e to’o ohin loron ha’u mós la kompriende maibé karik buat balun ne’ebé subar hela maibé sira tenke koalia, tanba ne’e maka tenke koalia material saida maka tenke diskuti,” dehan nia. Reprejentante povu ne’e realsa katak, aumenta osan iha ZEESM, hasai osan $650 milhoens ne’ebé aloka ona ba hasai ida ne’e la presija diálogu maibé aprejenta proposta hasai.

“Tanba karik ita koalia ita nia intrese diálogu ne’e iha tendensia kona-ba fahe buat ruma tanba ne’e depende tama ba plenaria maka se karik proposta mai no pasa signifika ita halo ajustamentu, karik proposta la pasa signifika katak, halo konfirmasaun votus”. Nia dehan, to’o ohin loron bankada governu seidauk iha proposta ida maibé obsaun rua ne’enakloke hotu iha plenaria.

PR tenke garante funsionamentu normal ba istituisaun estadu nian no labele kontenti ho duodésimu tanba nia benefisiu ba mákina estadu de’it maibé povu no emprezariu sira nia aktivdade la la’o tanba ne’e maka tenke garante ida ne’e. “Povu tenke husu ba Presidente tanba maka parlamentu tenke halo lalais komfirmasaun hodi lori hikas ba PR karik halo konfirmasaun durante loron 8 nia laran PR obrigatoriamente tenke promulga,” tenik nia.

Antes ne’e Reprejentante governu Sekretáriu Estadu Komunikasaun Sosial Mericio Akara informa tuir relatóriu SERVE hasai impase ida ne’e halo kompaña kuaze 70 resin maka taka sira nia kompaña nomós númeru dezempregu aumenta entaun parte governu konsiente ida ne’e tanba ne’e labele husik prosesu ne’e la’o neneik liu. “Tanba ne’e maka ami nia konsentrasaun liu-liu governu nia pozisaun oinsa orsamentu ne’e fila lalais ba PR atu nune’e bele iha ona orsametu” salintea nia.

Enretantu governu konsidera hanesan dadus ida tanba ne’e maka tenke fó atensaun tanba bainhira setor privadu iha problema tanba sira mós aprseiru dezenvolvimentu governu nian ne’ebé maka sira mós iha nesesidade atu responde ida ne’e maka liuhusi OJE tanba ne’e osan presija iha fatin atu uza hodi responde governu sempre prrontu atu fó asistensia ba públiku no resposta setor privadu nian. (BT)