DÍLI----Ministra Financas Interna Sara Lobo Brites husu ba Funsionariu Alfandega tomak atu hadook an husi Korupsaun tanba ejistensia Alfandega konsege kompleta ona tinan 19 iha Timor-Leste. Funsionariu Alfandega tenke servisu ho Intregridade profional hodi hadook an husi Korupsaun tanba korupsaun la’ós dalan diak ba Estadu.

“Ha’u apela ba Funsionáriu Alfándega atu kontinua servisu ho integridade profesionalismu, displina, hadok-an husi korupsaun,” dehan nia ba jornalista sira hafoin partisipa aniversariu Alfándega iha MF Aitarak Laran Segunda (28/01/2019). Sara Esplika, loron 28 Janeiru nudar loron mundiál ba Alfándega Timor-Leste inklui iha mundu maske Alfandega Mundial kompleta tinan 67 no Timor-Leste kompleta tinan 19 nia ejijentia hodi halo atendimentu ba sasan importasaun no esportasaun ne’ebé iha.

“Alfándega konvida parte Komisaun Anti Korupsaun (KAK) no Komisaun Funsaun Públika (KFP), atu mai fó sira nia hanoin ba Funsionáriu Públiku li-liu iha Alfándega kona-ba sira nia lalaok servisu, tanba durante ne’e públiku kestiona funsionáriu Alfándega servisu la integridade no professionál,” sujere Sara.

Nia hateten, Alfándega hanesan odamatan boot ba nasaun hodi tau matan ba sasan ne’ebé tama husi nasaun seluk tenke liu husi Alfándega, tanba ne’e funsionáriu sira tenke servisu integridade ho profesionalismu. “Ita hare servisu iha Alfándega hatudu duni progresu di’ak, tanba durante ne’e ita muda ona sistema antigu nian, sistema refere uza surat tahan barak, maibé ho sistema foun Asycuda World ne’ebé ita iha elektróniku liu husi online,” Orgullu Sara.

Kona ba sistema, Sara Dehan Ohin Loron Alfandega servisu ho Sistema Foun hodi ffasilita inportador sira, nune’e sira bele asesu direta ba iha sistema refere liu husi sira nia komputadores maibé fizikamente tenke aprezenta-an iha Alfándega hafoin sira bele halo desalfandegamentu. “Sistema ne’ebé ita uza iha Alfándega ita redus tempu husi loron 60 tun ba loron 30 de’it ida ne’e hatudu progresu servisu iha Alfándega la’o di’ak tebes,” hateten Sara Lobo.

Iha fatin hanesan Diretór Jerál Alfándega, José António, reforsa tan katak, Alfándega komemora Aniversariu Alfándega TL nian ne’ebé mak monu iha loron 28 Janéiru, nudar loron inportante ba Alfándega tanba ne’e Alfadega foti desizaun halo eventu rua ida kona-ba lansa slogan Smart Borders for Seamless Trade Travel and Transport no eventu ikus liu mak kona-ba semináriu Nasionál ba funsionáriu.

“Lansamentu slogam ida atu fó hanoin ba autóridade administrasaun alfándega iha nasaun hot-hotu nune’e komoemorasaun loron inportante ne’e bele hare, konaba asaun saida mak sira foti no ho slogam ne’ebé mak fó sai ona nune’e kria ambiente ne’ebé favoravel no amorente,” dehan nia. Nia dehan Slogam ne’e atu fasilita pasajeirus no komersiante ne’ebé ultra pasa liu husi fronteira ne’ebá bele hetan tratamentu ida lalais no prosesu merkadória sira nune’e labele atraja iha komersiu nian.

“Ita hotu hatene muitu bem Alfándega servisu iha odamatan nasaun nian, Alfadengan iha responsavilidade boot ida atu komunika ho entidades hotu, tantu estranjeiru no nasonál bainhira ultrapasa iha fronteira,” tenik nia. Tanba ne’e ho slogam ne’ebé Alfándega lansa sei fó fali motivasaun ba Institusaun Alfándega nune’e refleta saida mak durante ne’e nia halo nune’e bele fasilita komersiu husi fronteira ho di’ak.

Nia hatete dezafiu lubun ida mak Alfándega hasoru, li-liu ba atetudi funsionáriu ida nian, funsionáriu hot-hotu tenke servisu professional ho integridade, tanba buat rua ne’e mak parte Alfándega komvida Komisaun Fúnsaun Públika (KFP) no Komisaun Anti Korupsaun (KAK) atu sira bele mai hare liu ba prosedimentu iregularidade hirak ne’ebé mak durante ne’e Alfándega karik halo, nune’e parte KFP nian mai halo intervensaun kona-ba etika disiplina kona-ba Alfándega nian.

“Ami bolu parte rua ne’e mai atu hare prespektiva funsionáriu Alfándega nian integridade ne’e lao oinsa, serake durante ne’e sira halao servisu professional ka lae, tanba públiku dalabarak kestiona dehan Alfándega halo korupsaun no halo saida, maibé ita persija iha provas nune’e justifika, klaru ita hatene iha balun, balun bele involve-an iha korupsaun maibé ita persija provas,” dehan nia.

Diretór jerál ne’e klarifika ho aniversariu Alfándega ne’ebé eziste ba tinan 19 iha ona susesu barak, husi parte sistema, enkuadramentu legais no atendimentu operasaun, husi diresaun Alfándega nian ne’ebé uza sistema Asycuda World hanesan plataforma ka odamatan uniku ida ne’ebé aprova liu husi rezolusaun 2016. (BT)