TIBAR----Jerente ba kompañia internasionál Mina no Gas ConocoPhilips, José Lobato Gonçalves esplika, Estadu Timor-Leste Sosa Asaun kompañia ne’e nian iha área Sunrise laos iha área Bayu Undan.

Partisipasaun kompañia ConocoPhilips ba produsaun mina iha Tasi Timor iha área rua, ida iha área Bayu Undan no ida seluk maka iha Sunrise ne’ebé estadu Timor-Leste planu sei lori mai rai laran.

“Iha konfuzaun iha sosiadade balun dehan nusa maka produsaun mina hela deit tinan ha’at Estadu ba sosa fali, nemak ha’u esplika ida fa’an ne’e partisipasaun asaun hosi kompañia nian iha Sunrise, depois iha sosidade mos konfundi katak se estadu sosa, estadu mos sai nain ba kompañia ConocoPhilips ne’e lalos saida maka estadu sosa ne’e partisipasaun Asaun kompañia nian iha Sunrise tanba ne’e nain agora maka estadu Timor-Leste,” informa Nia iha Sentru Formasaun Tibar, hodi esklarese ba duvidas ne’ebe mosu iha sosiedade nia leet durante ne’e.

Tuir nia, partisipasaun Kompania ConocoPhilips ba produsaun mina no gas iha Bayu Undan sei nafatin no tuir estudu Teknika, area produsan refere sei remata iha 2022. Enkuantu ba prosesu pagamentu estadu TL ba asaun Komapñia ConocoPhilips milloens $350, Nia esplika baseia ba akordu depende ba prosesu internu hosi estadu Timor-Leste. “Ida ne’e ha’u komprende lalaok, hosi ami nia parte sei respeita prosesu internu estadu Timor-Leste nian,” dehan nia. (BT)