DÍLI----Ohin loron Mosu novidade furak ba iha Claricia Lay Nudar Feto Uniku ida ne’ebe mak oras ne’e sucesu mos iha vida Emprezarial tanba husi sucesu ne’ebe iha hetan apresiasaun husi Ulun boot balun hanesan Embaixador Indonesia ba Timor Leste Sahat Sitorus.

Maske Claricia Lay konsege kompete iha Kargu Prezidente Camara Comersiu Industria Timor Leste (CCI-TL) ba periodu 2018 to’o 2022 hamutuk ho nia belun maluk Oscar Lima maibe ikus mai la konsege hetan Vitoria tanba kargu Prezidente refere kontinua lidera husi Prezidente Oscar Lima durante tinan 4 nia laran.

Tan ne’e iha kargu refere la konsege manan maibe Embaixador Indonesia ba Timor Leste Sahat Sitorus iha nia deskursu iha eventu dada Rifa Mie Sedaap ne’ebe halo iha Timor Plaza Sabadu foin lalais ne’e halo prediksaun katak iha Futuru Claricia Lay sei lidera CCI-TL Periodu Tuir Mai.

“Primeiru hau husu agradese no obrigadu ba eventu ida ne’e maibe hau orgullu tebes tanba Claricia Lay nia mos bele maske foin lalais konsege kompete iha Prezidente CCI-TL la konsege manan maibe iha periodu tuir mai sei manan sai prezidente CCI-TL,” dehan Embaixador indonesia ba Timor Leste Sahat Sitorus iha Timor Plaza foin lalais ne’e.

Embaixador ne’e hateten katak iha future Claricia Lay posibilidade sei lidera Camara Comersiu Industria Timor Leste tanba hare husi jestu ne’ebe iha, Povu Timor Leste presiza Tebes tanba Karater ne’ebe uniku tebes iha Pais ida ne’e. “Tanba tuir hau nia hare ba iha Claricia Lay nia jestu fihir hahu husi karik ba leten, ita hare katak jestu ne’ebe mak povu Timor Leste presiza tebes,” katak nian.

Nia esplika katak Nia louva Claricia Lay laos signifika Prezidente Oscar Lima Ladiak Maibe Prezidente Oscar Lima mos Ema ne’ebe diak maibe hare ba iha Karater hatudu katak Periodu Tuir mai Claricia Lay bele okupa kargu Prezidente CCI-TL. “Hau laos dehan Senhor Oscar Ladiak maibe Oscar Lima mos diak,” afirma nia.

Tan ne’e ho karater ne’ebe mak iha Embaixador Indonesia ba Timor Leste Sahat Sitorus husu Claricia Lay Nafatin atu servisu hamutuk nafatin ho empreza sira ne’ebe mak iha inklui KBRI no espera sei sucesu iha Futuru. Nia mos Orgullu katak Timor Leste nudar nasaun ne’ebe lian ofisial mak Tetun no Portugues inklui lian servisu mak Indonesia no Indonesia maibe Clarcia Lay mos bele domina iha dalen balun.

“Tan ne’e hau husu atu kaer metin nafatin KBRI no bainhira kontinua mak iha ne’e ita sei diak liu tan,” husu nia. Tan ne’e Maske Feto Gerasaun Viqueque ne’e foin lalais kompete iha Kargu Prezidente CCI-TL la Konsege manan maibe Oras ne’e Claricia Lay sucesu iha Vida Emprezarial tanba bele investe iha atividade Komersio hanesan sai Distributor ba Produtu Mie Sedaap, nain ba Ocean Line, Prezidente Maha Nain Garmen, Diretora Jacinto Group, Diretora Jacinto Departamentu Store, Prezidente CBMC inklui mos Funda Grupu Nasional Dezenvolvimentu (GND) ne’ebe mak investe iha area Kontruksaun ninian.

Alende ne’e nia mos nudar Empreza Feto ida ne’ebe mak oras ne’e numeru primeiru empreza Joven sira ba iha Kampu servisu liu husi nia atividade ne’ebe mak oras ne’e lao iha Timor Leste. Husi nia sucesu ne’ebe mak iha Embaixador Indonesia ba Timor Leste halo predikasaun katak iha Futuru Clarcia Lay mos sei sai lideransa ne’ebe diak tanba agora tama ona ba iha lideransa Pontesial iha Timor leste. (BT)