DILI----Ministru Komersiu Industria (MKI) Antonio da Concição, ba dau-daun ne’e Governu foin hatama tan fos toneladas rihun ida atus sia (1900) ba iha armajen nune’e bele atende iha situasaun Politku ida ne’e.

“Hau foin mak hatama tan fos toneladas rihun ida atus sia nue’e bele rezolve iha situasaun politiku ida ne’e.”dehan Ministru MKI Antonio da Concieção ba jormalista sira hafaoin partisipa worksop desiminasaun dekretu lei kontratus servisu iha salaun enkontru IADE, Bebora-Mandarin, Tersa (30/02).

Nia hatutan, fos ne’ebé mak governu foin inporta no hatam iha armajen ne’e mai hosi nasaun Veitnam ho tipu Globus. Entretantu iha parte seluk, Vice Ministru Komersiu Industria MKI, Jacinto Barros Gusmao, mos hatenen knaar MKI nian maka kontinua koopera hamutuk ho kompana importador sira hodi, hatama nafatin fo husi rai liur mai TL nune’e bele atende ba povu nia nesesidades loron loron.

Nia hatete, antes ne’e iha seman tolu liu ba mos governu inporta uluk fos kuaze tonelada Rihun ida (1000) maka tama liu hosi Portu Dili.
“Hau hanoin governu kontinua hatama fos husi rai liur mai TL atu nune’e, bele antesipa siguransa alimentar iha rai laran, tanba ne’e agora dadauk tonelada rihun ida atus sia maka tama tan ona iha portu Dili,” informa Vice Ministru MKI.

Nia afirma katak fos ne’ebé governu importa mai husi rai liur laos atu husik hela iha armajen governu nian, maibe durante ne’e MKI halo intervensaun iha merkadu laos iha Nasional deit maibe too iha suku no aldeia. Sikun seluk Vogal II aportil, Victor Maia mos klarifika liu tan katak, los duni Fos governu nian ne’ebé importa husi Nasaun Vietnam oras ne’e dau-dauk tama ona iha Portu Dili, no balun kareta lori ona ba tau iha armajen governu nian hodi halo distribusaun.

“Hau hanoin semana ida ne’e nia laran fos governu nian maka tama makas iha portu Dili, no kareta mai lalin ona hodi lori ba tau iha armajen governu nian atu nune’e, bele halo intervensaun iha merkadu,”informa Vogal II Aportil Victor Maia iha nia fatin, Portu Farol.

Tuir nia katak, fos ne’ebé maka governu importa husi rai liur ne’e, parte aportil ladun hatene ninia kuantidade ne’e hira ne’e hira, tanba importasaun fos ne’e planu governu nian atu halo intervensaun iha merkadu. Tuir Observasaun jornalista nian iha trenu haree katak, fos governu ne’ebé mak agora lori ba armejen tibar ho marka Globus. (BT)