Fernanda Borges
Fernanda Borges

Fernanda Borges
DILI----Ministeriu Financas liu husi Komisaun Reforma Fiskal loke oportunidade ba timoroan sira ne’ebé mak iha interese atu aplika ba konvite esperasaun interese ba grauduadu atu hola parte iha aplikasaun iha Institusaun tributaria no Institusaun Aduneiro.

Objetivu husi Konvite refere oinsá mak bele buka Timoroan sira ne’ebé mak kualifikadu hamutuk 500 bele servisu iha Insitusaun 2 ne’ebé iha hodi lori Timor Leste sai diak liu tan.

Tuir koordenadór Komisaun Reforma Fiskal Fernanda Borges hateten katak Ministeriu Financas liu husi Komisaun Reforma Fiskal buka Timoroan ne’ebé graduadu tekniku sira ne’ebé husi Universidade rai laran nomos rai liur inklui esperensia servisu ruma atu hato’o epresaun interese atu servisu iha Autoridade foun rua mak hanesan Autoridade tributaria ne’ebé trata iha impostu no autoridade Auduneira ne’ebé trata asuntu kona ba alfándega.

“ Autoridade rua ne’e dekretu lei pasa iha Abril no Marsu tama iha en vigor iha Outubru iha tinan 2017 no presiza rekursu humanu , ne’e duni ministériu Financas fo sai espresaun interse ne’e ba timoroan hotu ne’ebé kursu iha area oin oin atu bele halo aplikasaun atu nune’e Ministeriu bele konsidera,” dehan koordenadór Komisaun Reforma Fiskal ba Jornalista sira iha eidifisiu Ministeriu Finanas tuan foin lalais ne’e.

Nia afirma katak Aplikante sira ne’ebé partisipa liu husi rekerimentu sira inklui sei tuir padraun 4 ne’ebé mak iha Autoridade Aduneira nomos autoridade Tribunal nian ne’ebé mak iha. “Liu husi rekezitu sira ne’ebé mak iha inklui ho padraun 4 ne’ebé autoridade Aduneira no Tributaria kaer hela hanesan Padraun Integridade, Padraun Profisionalismu, padraun Respeiru no padraun Transparensia ,” afirma Fernanda.

Liu husi padaraun refere timoroan ne’ebé servisu iha autoridade hirak ne’e bele iha intregade as nune’e koleta reseita hodi dezenvolve Timor Leste ho prinsipiu ne’ebé diversifika ekonomia Timor Leste nomos hamenus dependénsia Timor Leste ba Mina rai hodi nune’e TL nia rikusoin ne’ebé iha bele sustenta nasaun TL iha tempu ne’ebé naruk iha futuru.

Nia dehan katak Politika refere atu oinsá bele ajuda Timor Leste bele dezenvolve setór sira ne’ebé importante hanesan Saude, Edukasaun, Infranstrutura, Siguransa, funsionáriu inklui setór sira seluk ne’ebé fundu la’os mai husi mina rai. Nia klarifika liu tan katak atu rekolla reseita ne’ebé diak presiza iha rekursu ne’ebé kualidade tan ne’e liu husi Ministeriu Financas lansa Espresaun refere atu oinsá bele hetan ema ne’ebé iha kualidade hodi servisu iha autoridade refere.

Nia informa katak total ema ne’ebé presiza hamutuk nain 500 kada autoridade hamutuk ema nain 250 ne’ebé iha area oin oin hanesan Kontabilidade,Auditoriu, komérsiu, ekonomia, Financas, Legal, Minerais , Petroliu, Rekursu humanus, Logistika , Komunikasaun no teknologia Informatika.

Tan durante ne’e iha Timoroan barak maibé barak mak servisu iha kompana internasionál nomos nasionál maibé liu husi Espresaun refere sei kria kondisaun ne’ebé diak nomos ho saláriu ne’ebé mak tuir kondisaun ne’ebé iha atu nune’e labele hamosu korrupsaun wainhira hetan oportunidade. (BT)