DILI----VII Governu Konstitusional nafatin iha konfiansa ho investor internasional hanesan Fu Xin ldA hodi asina akordu atu investe Hotel Golgota ho Moll, tanba kompañia ne’e disponivel tebes ba rai ida ne’e.

Ministeriu Comerciu Industria Antonio da Conceição iha ninia intervista katak, ministeriu ida ne’e fo tan pasu ida ne’ebé posetivu tebes intermus atu lori investimentu mai iha Timor-Leste, tanba kompañia ne’e dispoin tebes atu harii hotel nomos mall iha aréa Golgota Rai-Kotu Dili.

“Tanba ida ne’e mak segundu Plaza ne’ebé mak ha’u dehan tiha ona katak investor ne’e atu investe segundu plaza iha timor,” dehan ministru ne’e ba jornalista sira iha nia intervista semana foin lalais ne’e iha Foment Mandarin Dili. Nia konta tuir katak, liu husi asinatura ne’e kompañia promote katak, sei konstroi durante tinan ida ho balun bazeia ba enkontru ne’ebé mak sira hala’o.

Tuir governante ne’e katak, konstrusaun ne’ebé mak halaó iha Rai-Kotu tarde liu iha Dezenbru 2019 fulan ikus nian, tanba atu kompleta fasilidade tomak iha hotel refere. Alende ne’e mos Golgota hotel sei kompleta mos ho andar 4 inklui fasilidade seluk ne’ebé mak presiza. Nia afirma tan katak, investidor ida ne’e prontu no komprimitidu atu bele halo, tanba kompañia ne’e investe ona konstrusaun balun ho fasilidade seluk, tanba ne’e Timor-leste hanesan pasu ida posetivu tebes oinsa bele fo tan konfiansa.

Maske ho situasaun iha rai laran hanesan ne’e, maibe kompañia nafatin iha komitmentu atu halo ninia investimentu iha Timor-leste. Entretantu iha fatin hanesan Consultora Fu-Xin unip ldA, Mimi Chun iha nia intervista hatete mos katak, kompañia ne’e egisti desde independensia Timor-leste hodi investe iha aréa konstrusaun sivil.

“Kompañia Fu-Xin Unipesal limitada eziste desde indepedensia iha área konstrusaun sivil no oinsa atu dezenvolve Timor-Leste sai nasaun ida ne’ebé mak prosperu. Tanba inisiu ami hahu ho Hotel ne’e iha dia 19 de Febreiru 2016, komesa konstrusaun no ami konsege remata ona buat balun durante tinan ida iha dia 01 de Marsu 2017.

Consultora ne’e afirma katak, iha sigundu etapa oinsa atu halo hotel ne’e sai integradu ho fasilidade komerciu nian, tanba konpania ne’e nia intensaun atu lori timor-leste bele koñese diak konaba mundu komercializasaun ne’e iha mundu. “Ami kontinua tan sigundu parte oinsa atu kompleta tan fasilidade ne’ebé mak iha nomos ami halo Hotel ne’e, oinsa atu sai integradu ho fasilidade comerciu nian.

Tanba ami nia intensaun hari Hotel ne’e atu loke timor hodi ba konhese iha mundu internasional para investor lori osan ne’e mai iha timor,” nia afirma. Mimi akresenta liu tan katak, kustu ba konstrusaun ne’ebé remata ona hamutuk U$ 3 miloens, tan ne’e atu kontinua tan konstrusaun foun ne’e ho montante U$35 miloens.

Liu husi montante ne’ebé mak durante hari’I Hotel Golgota mai husi kompañia Fu Xin, tanba ho intensaun atu dezenvolve timor sai diak liu tan hanesan mos ho rai seluk, maske timor sei iha kestaun balun, maibe faze por-faze bele diak. (BT)