DILI----Atu hametin fiar iha uma kreda Diosese Dili selebra aniversariu ba 25 hodi realiza mós exposizaun ida ho objetivu atu lori sarani bele koñese malu iha familia nia laran, tanba familia mak igreja domestika. Diosese Dili selébra aniversariu ba dala 25 iha igreja katedral halaó mós bazar baratu ba komunidade sira, oinsa atu bele hametin diak liu tan fiar iha familia hanesan sarani.

“Ohin ita mai hamutuk iha fatin ida ne’e hahú atu kompleta tinan 25, igraja Katedra Dili nian, nune’e bele refleta tinan 25 ba kotuk iha buat hotu laó diak até agora. Tanba ne’e nudar sarani ida-idak iha paroqui ne’e nomós sarani katolika tomak, ami sente ida ne’e orgulhu bo’ot tebes ba ami iha paroqui ida ne’e, hodi festeza tinan 25 igreja katedral Diocese Dili,” dehan Amo Bispo Dom Virgilho do Carmo da Silva SDB, iha ninia abertura Domingu kalan iha katedral Dili 07/01.

Dom Virgilho katak diocese Dili selebra ninia tinan aniversariu, maske halo mudansa ba Konsllu Pastoral no Vigariu Pastoral troka malu, maibé paroqui ida ne’e sei adianta nafatin iha momentu ida ne’e. Tan ne’e mak Amo ne’e husu agradase ba padré paroqui, maske ho idade no saudé ladun ona, maibé paroqui ida ne’e nafatin fo ninia kontribuisaun didikasaun hodi servi sarani sira iha paroqui ida ne’e.

Bispo Diosese Dili ne’e hatutan, tinan 25 hare fali ba kotuk katak, iha ona historia ida, tanba iha buat lubuk ida mak laó durante tinan 25 ezistensia paroqui igreja katedral ninian. Tanba hare ba kotuk iha buat barak mak laó ne’ebé fasparte ba historia paroqui ida ne’e ninian até iha momentu ida ne’e.

Nune’e mós iha tinan 25 hare ba kotuk buat barak mak la’o diak, maibé iha mós buat balun ne’ebé ladun diak, tan ne’e hahú husi kalan ne’ebé selebra aniversariu tinan 25 igreja katedral Dili hanesan opurtunindade ida ba sarani hotu atu bele partisipa iha esxpo ida ne’e. Tanba ida ne’e hanesan momentu ida atu bele halibur sarani sira iha katedral ne’e durante semana ida nia laran, atu nune’e sarani hotu bele hatene hodi hametin liu tan sarani sira nia sentidu no espiritu.

Liu husi selebrasaun ida ne’e, Dom Virgilho do Carmo da Silva SDB; akresenta liu tan katak, selebrasaun ida ne’e partensia ba Diocese Dili, atu nune’e sarani sira bele hatene sira nia bibi-atan iha uma kreda ida. Amo ne’e afirma, selebrasaun ida ne’e mós ho ninia objetivu oinsa lori sarani sira atu bele koñese malu, lori sarani atu hatene malu nomós lori sarani ne’ebé partensia ba paroqui ida ne’e.

Bispo Diocese Dili ne’e akresenta liu tan katak, iha momentu ida ne’e mós atu konvida sarani hotu hotu bele sente nudar ema sarani liu husi sira nia partisipasaun iha paroqui ida ne’e. Tanba selebrasaun ida ne’e hanesan opurtunidade oinsa atu bele halibur familia ida-idak hodi koñese malu diak liu tan liu husi expozisaun ne’e.

Nune’e mós iha preparasaun tinan 25 iha katedral Dili oinsa atu bele fanu sarani para bele hatene no konsiente liu tan sarani nia partisipasaun iha familia, tanba familia mak igreja domestika.

Tanba bainhira familia diak no forte hatene ninia fiar sertamente sei lori ida fiar ida ne’e mai iha uma kreda ida ne’e. Liu husi selebrasaun ne’e Bispo Diocese Dili hato’o parabens mós ba paroquino sira hotu no hein katak, tinan ida ne’e bele hahú tinan 2017 selebra aniversariu dizesimu quinto (XXV), katedral nian sai hanesan opurtunidade iha momentu osamean ida ba sarani hotu atu bele hatene malu liu husi fiar iha uma kreda nudar sarani ne’ebé los.

Selebrasaun aniversariu 25 ano ne’e, hetan partisipasaun husi membru governu hanesan Ministru Comerciu Industria, Padre no Madre balun iha paroqui ida ne’e nomós entidades relevente sarani iha iha Diocese Dili. (BT)