DILI----Ministeriu Planu no Financas iha kinta feira ne’e hahú distribuisaun Orsamentu Dotasaun ba lina Ministeriu sira ho objetivu atu oinsa bele funsiona Makina estadu nian, rajaun VII Governu hamósu Orsamentu Doadesimu temporariamente tanba to’o oras ne’e seidauk iha Orsamentu Jeral Estadu atu bele funsiona makina estadu inklui ba Dezenvolvimentu TL.

Sirkulasaun ba Preparasaun ezekusaun Dotasaun temporarias ba tinan 2018 tanba hahu husi loron ida fulan haneiru tinan 2018 taa ona em vigor rejime duadesimal ne’ebé preve iha artigu 31 lei No 13/2009 , loron 21 fulan outubru (orsamentu no Jestaun finanseiru) tanba orsamentu foun seidauk hetan aprovasaun to’o iha loron ne’e, ne’ebé koresponde inisiu ano finanaceiro Orsamentu jeral Estadu ba 2018 iha situasaun hanesan ne’e.

Lei fo dalan ba governu atu rekore ba rejime duadesimimal hodi asegura finansiamentu naton atu nune’e estadu bele kontinua fo prestasaun servisus ba populasaun, selu salariu ba kolaborador sira estadu nian atu onra kompromisus sira ne’ebé hala’o ona no atu asegura funssaun hotu estadu nian, nune’e rejime duadesimal bele preve pais ida ne’e atu labele mósu iha frajilidade no vulnerabilidade oin oin.

Tuir Vice Ministra PLanu Financas Sara Lobo Brites hateten katak Orsamentu ne’ebé MPF halo distribuisaun iha ninia prinsipiu rua ne’ebé aplika durante rejime duadesima ida , kada dotasaun Orsamental kore de’it despeza iha urante periudu laliu fulan ida no rua mak kualker Dotasaun Orsamental labele liu uma Doze avos (1/12) husi Dotasaun Orsamentu ne’ebé define tiha ona tuir lei Orsamentu Jeral Estadu tinan kotuk nian.

“Ita hatene katak tinan ida ne’e seidauk iha orsamentu Jeral Estadu, Ministeriu Financas ho governu servisu hamutuk ho ministeriu nomós entidade hotu hotu hodi prepara orsamentu Dotasaun temporaria ida atu bele asegura dadaun funsionamentu estadu nian hodi hein orsamentu Jeral estadu rasik,” dehan Vice Ministra Planu Financas Sara Lobo Brites ba Jornalista sira wainhira realize Workshop no distribuisaun Orsamentu Dotasaun ba Ministeriu sira iha Edifisiu Ministeriu Aitarak laran, Kinta – feira (11/01).

Nia afirma katak Orsamentu Doadesimu iha tanba bazea ba lei ne’ebé iha hanesan lei jestaun finaneiru ne’ebé hatete katak orsamentu Doadesimu ba preriode ida de’it ka fulan ida no segundu Orsamentu Doadesimu fahe ba fulan 12 ne’ebé aloka ba fulan ida entaun orsamentu Doadesimu la inklui capital minor iha tinan 2017 hodi fahe ba fulan ida.

Orsamentu Doadesimu kategoria hotu ba iha Salariu vensimentu, Bens servisu, transfernsia publika nomós capital dezenvolvimentu no se wainhira to’o fulan Febreiru no Marsu wainhira seidauk iha Orsamentu Jeral Estadu kontinua hamósu Orsamentu Doadesimu tanba iha lei fo dalan atu kontinua uza orsamentu trajitoriu ba to’o iha Orsamentu Jeral hodi hetan aprovasaun husi Parlamentu Nasional.

“Ita seidauk hatene bainhira mak it abele iha Orsamentu Jeral definitivu maibé Ministeriu Planu Financas nia knar atu asegura de’it makina estadu durante peorudu ida ne’ebé orsamentu laiha,” dehan nian. Nia mós informa katak Orsamentu Doadesimal sei la aplika ba kontratu Foun projetu sira inklui mós viagen estrajeiru so ministeriu ne’ebé mak bele merese hetan Viajen estranjeiru mak Ministeriu Negosiu Estranjeiru no Kooperasaun de’it maibé bainhira atu hala’o viagen estranjeiru tenke hetan aprovasaun husi Primeiru Ministru.

Rajaun Laiha orsamentu Viajen estranjeiru tanba hakarak sukat orsamentu ne’ebé iha Kofre estadu nian tan ne’e sukat ba limitasaun ne’ebé TL iha hodi aloka de’it mak peoridade sira ne’ebé mak necesita duni atu atende iha iha fulan Janeiru nia laran. “Tan ne’e ita tenke sukat ba kapasidade ne’ebé mak ita iha hodi nune’e iha efisensia iha Ita nia gastus no ita la inklui gastu sira ne’ebé it abele hala’o wainhira iha orsamentu ruma,” dehan Brites.

Nia informa katak ba Ba ministeriu sira ne’ebé iha planu atu halo viagen ba estranjeiru sei kansela maibé wainhira ida ne’ebé mak konvida Ministeriu sira no nia mak responsabilidade ne’e problema selu. “hanesan ohin ha’u dehan ita tenke sukat ba osan ne’ebé ita iha no ami nia konselos viagen estranjeiru ne’e wainhira ema sira konvida selu hotu viagen sira hotu ne’e ha’u hanoin problema seluk ida, se no kazu governu mak tenke hasai osan hotu atu selu viagen ho grupu ne’ebé mak barak ida ne’e sei fo implikasaun ba osan ne’ebé mak iha,” katak nia.

Brites mós Inorma liu tan katak maske Ministeriu sira sei laiha Orsamentu Viagen estranjeiru maibé kkona ba moras halo tranferensia ba iha rai liu hodi halo trantamentu kontinua konsidera maibé ida ne’e papel Ministeriu Saude nian rasik.

Antes ne’e Porta voz Governu, Matias Boavida hatete, iha loron 10/01/2017 Konsellu Ministru halo ona aprovasaun ba Rejime ida ne’ebé mai husi ministériu finansas atu ko’alia oinsá atu uza orsamentu duo-désimo ho alterasaun ruma maibé aprovadu oinsá atu bele uza duo-désimo ne’e no ba aktu ida ne’e iha semana ida ne’e ministériu finansas sei konvida diretór sira husi kada ministériu atu bele esplika oinsá bele uza.

“Orsamentu jerál iha kada ministériu menus kapitál minor ne’ebé ita labele uza ne’e depende ba orsamentu jerál 2017 no ida ne’e maka atu bele uza Orsamentu duodésimu ne’e uza hahú iha fulan Janeiru Rejime ida ne’ebé governu aprova ona oinsá atu utilija orsamentu duodésimu ne’e” dehan nia ba jornalista sira iha Palaciu Governu (10/01).

Iha fatin hanesan ministru finansas Rui Gomes hatete, duodésimu nia ekuasaun hanesan OJE tinan kotuk menus kapitál menór fahe ba fualn 12 ne’e maka hanaran orsamentu duodésimu. “Orsamentu duo-désimu $114 milhoens orsamentu ida ne’e bainhira ita jere ho di’ak bele uza to’o fulan tolu ka haat ne’e uza ba saláriu bensimentu, bens sevisu, transferénsia públika, kapitál dezenvolvimentu portantu ne’e laiha problema” ministru afirma.

Ministru hatete iha semana ida ne’e nia parte sei konvoka workshop ida ho diretor sira husi ministériu hotu hodi hodi ko’alia kona-ba oinsá atu ezekuta orsamentu duodésimu. Entretantu ba tinan 2018 seidauk iha orsamentu jerál estdu nian ho nune’e orsamentu duodésimu maka sai hanesan alternativa ba fulan hira mai tan. (BT)