DILI----Ministru Planu Finansas Rui Gomez, hatete Governu Hatene katak setór Privadu Timor oan sira too oras nee fo ona servisus ba empregu timor oan kuaze ruhun 60, tanba nee presija governu nua tulun atu selu ema sira nee.

“ita mos hatene katak ita nia setór Privadu fo de’it servisu ba Um desimu populasaun sira ne’ebé ativu, nee siknifika katak 60 mill empregus.” Ministru Planu finansas Rui Gomez iha Plenaria Parlamentu,foin lalais nee. Nia hatutan, servisu ida nee sei kiik oan tebes, maibe presija osan hosi governu nia tulun.

Nia dehan barak liu hosi rihun neen nulu nee iha rihun hat nulu mak servisu iha setór konstruksaun, no liga ba setór konstruksaun nee mak ba fali iha setór transportasaun sira. Tanba nee kuandu iha despezas públikas siknifika iha ona volatilidade nee katak ekonomia nee tun sae hela de’it, tanba nee mak governu tenta atu mantein programa ne’ebé mak iha.

Nia dehan, bain hira estadu kolia konaba esforsu atu salva guarda interese estadu tenki kaer metin kreblidade estadu ida nee nian. “ita buka nafatin oinsa ita buka estemula no deversifasaun ekonomia liu hosi Politika fiskal purke tanba ita sei iha de’it instrument ida no laiha ita instrument monutariu.”

Nia dehan ba orsamentu sira nee aprova hotu ona maibe sei halo pagamentu iha fulan Marsu no Abril no fulan Juñu nia laran, tanba presija hatak tiur prosesu teknika lubun boot. Nia dehan, iha fulan Outobru liu ba ministéiru Planu finansas iha loron Segunda semana, ekipa Tekniku Finansas hahu halo ona exersisiu atu prepara OR.

No iha ne’ebá utilize senariu rua, no primaeiru Senariu tenta halo realokasaun poupansa katak iha ezekusaun orsamentu nee sei sae too Pursentu sia Nulu (90 %). Entaun iha ezersisiu ida nee rezulta pupansa kuaze U$39 Milloens de dolares. Maibe, nia esplika tanba tenpu badak iha liña Ministeriais lakonsege kolabora ho ministéiru plnau finansas, tanba nee mak momentu MF obta ba segundu senadiu.

“Segundu senadiu nee katak kada liñas ministeriais nee utilize nafatin ne’ebé alokadu tiha ona iha orsamentu jeral do estadu 2017 nian, entaun ami mos tenta rasionaliza ka halo poupansa iha fundu da estrutura.” Nia esplika. Tanba nee hanesan minsitru sujere, ba setór privadu sira atu nafatin hein no pasiensa fo tenpu ba governu atu la’o tuir prosedimentu prosesu ne’ebé mak iha, tanba governu sei nafatin prioridade mos ba setór privadu nia servisu, Dehan nia. (BT)