OE-CUSSE----Ponte Boot Oe-Cusse ne’ebe mak ligasaun entre Diresaun Palaban (Lifau) ho postu administrative Citrana konstrui ho valor orsamentu millaun $17.5 dollar Amerika iha sabadu (10/06) hetan inagurasaun husi Prezidente Republika Timor-Leste Francisco Guterres. Iha inaugurasaun ba ponte ne’e Prezidente RDTL akompana husi Prezidente Regioaun Administrasaun Espesial Ambeno Oe-Cusse no mos Ministeriu relevante inklui konvidadu espesial sira seluk.

Iha diskursu ba inaugurasaun ponte foun dahuluk iha Oe-Cusse ne’e Prezidente Republiak Francisco Guterres hateten Timor-Leste ninia istória hahu iha Lifau, iha fatin ne’ebe mak oras ne’e hodi harii ponte Noefefan ne’ebe hanaran Rejiaun Adnimistrativa Espesial Oe-Cusse Ambeno tanba bainhira rezultadu referendu nian fo sai ofisial iha 1999, Oe-Cusse hetan destruisaun makas liu fatin hotu hotu,Timoroan oan sira baun iha Oe-Cusse balun ahi han sai ahuk desan ne’ebe harii fali TL.

Husi akudesan ne’ebe iha maibe Oe-Cusse lao ketak ketak nafatin moris nafatin iha situasaun ida ke laos justu biar konstitusaun TL nian fo tratamentu especial ba Oe-Cusse. “Ita presiza halo justisa ba ita nia istoria tanba ne’e mak ita iha ne’e ohin, Oe-Cusse merese duni tia nia atensaun , ita iha ne’e atu halakon injustisa ida, iha 2014 ita hahu hatama Oe-Cusse iha ita nia ajenda politika nasional hahu husi tinan ida ne’e, Oe-Cusse laos ona Enklave ida, laos ona rai ketak ida, Oe-Cusse hola parte iha ita nia teritoriu,” dehan PR Lu-Olo iha nia diskursu ba inagurasaun Ponte Noefefan Sabadu (10/06).

Nia mos dehan Oe-Cusse fo oportunidade ba TL hodi iha hanoin foun ida ba dezenvolvimentu laos nara deit TL hili Oe-Cusse nudar Zona Espesial Ekonomia Sosial Merkadu (ZEESM). Tanba los Oe-Cusse deit mak sata dezenvolvimentu maibe mos ninia kondisaun natural. “Udan Boot teb-tebes halo mota sae makas no mota boot haketak hela deit komunidade sira, tinan ba tinan tanba ne’e mak ita presiza buka hetan dalan atu hatan ba problema hotu hotu ne’ebe populasaun hasoru durante tinan barak tebes nia laran,” dehan Lú Olo.

Tan ne’e atu hasai Oe-Cusse husi izolamentu , TL investe iha meui transporte sira ne’ebe hasae mobilidade komunidade sira nia katak komunidade sir abele ba mai liu tan no lais liu iha Oe-Cusse laran. Mobilidade ne’e kondisaun importante ba sidadania Presiza duni investe mobilidade tan ne’e TL presiza duni hatama iha Oe-Cusse mak hanesan liu husi meiu Ro ida , aviaun ida no ponte Noefefan.

“Ho haksOlok tebes mak hau partisipa serimonia inagurasaun ba ponte ida ne’e, ponte boot liu iha Timor Leste , Ponte Noefefan ho naruk besik metro atus haat, ita hare duni ponte ida ne’e hamrik nudar infranstrutura bazika ida metin no furak tebtebes no ponte nee rasik hatudu ona retornu ba investimentu ne’ebe ita halo iha ne’e,” dehan Prezidente RDTL.

Nia mos afirma katak ponte refere sei fo hanoin bebibeik katak TL la gasta arbiru osan ne’ebe governu foti husi funfu mina rai ho total dollar Millaun $17 no hatudu faktu katak iha besik ida no iha material ne’ebe deit ne’ebe presiza atu harii ponte refere atu populasaun sira iha Oe-Cusse Ambeno bele iha ligasaun seguru ida entre komunidade sira.

“Ponte ida ne’e Obra ida ho komunidade hafurak fatin ida ne’e no ita sente sei hamriik kleur iha ne’e ponte ne’e harii hodi serve ema hotu ne’ebe presiza no sei serve iha tinan barak tuir mai,” dehan nian. Nia mos deha uluk mota tono haketak polulasaun sira maibe liu husi ponte refere sei liga populasaun sira ne’ebe mak durante ne’e moris iha izolamentu sei sai ema ida fila fali.

Nia mos dehan tan katak Estadu TL halo servisu importante sira ba komunidade sira iha Oe-Cusse liu-liu iha area saude, edukasaun, bee, Saneamentu no eletrisidade. “Ita bele hatete katak sidadaun ida idak no uma kain ida idak ne’ebe hela besik ponte ida ne’e sei hetan diak liu tan servisu no fasilidade ne’ebe sei mosu beibeik iha rejiaun ida ne’e, hodi inisiativa sector privadu nian ka husi fundu publiku, Interkambiu entre populasaun ponte makasar no Nitebe nian no sira nia interkambiu ho poulasaun sira seluk iha RAEOA sei boot liu tan beibeik,” afirma nian.

Nia mos infroma katak Montante orsamentu Jeral estadu mka gasta iha ZEESM maibe atu serve necesidade populasaun nian atu hasae mobilidade populasaun nian katak atu servi sidadaun timorense. Benifisiariu diretu ka inderetu ida-idak sei sente impaktu pozitivu ne’ebe infranstrutura bazika hanesan ida ne’e sei fob a sira nia moris lorloron.

Francisco mos informa liu tan katak ponte Noefefan laos inisiativa ketak ida husi Autoridade RAEOA nian maibe ponte Noefefan mosu nudar produtu ida husi filosofia foun. Ponte Noefefan halo parte modelu foun ida ba dezenvolvimentu ne’ebe nain uluk sira hakarak halao uluk iha Oe-Cusse.

Modelu foun ida ne’e hahu iha tinan 2014 autoridade Rejiaun hili area ida ho hectares atus ida resin iha pante macassar hodi dezenvolve nudar zona Espesial Ekonomia Sosial Merkadu Autoridade Rejiaun hakaas an hodi harii Infranstrutura bazika no ne’ebe presiza makas atu dada investidor nasional no estranjeiru sira mai Oe-Cusse atu hamosu empregu, no atu hasae lalais liu kresimentu ekonomiku Sustentavel hamutuk ho dezenvolvimentu social.

Iha biban ne’e mos Prezidente RAEOA Mari Alkatiri hateten hahu dalan foun ba Oe-Cusse iha tinan 2014 ho aprovasaun lei no 3/2014 ho aprovasaun umanidade iha parlamentu nasional no hetan promulgasaun husi Eis Prezidente Taur Matan Ruak hodi fo pose ba nia (Mari) atu mai Oe-Cusse mai iha Oe-Cusse hodi hahu prosesu dezenvolvimentu refere.

Pose ne’ebe hetan iha fulan Jullu tinan 2014 Maibe tranferensia poder husi governu central ba Autoridade Rejiaun akontese iha janeiru tinan 2015, hahu 2015 janeiru 2015 hamutuk ho institusaun kompetente no governu Central inklui primeiru ministru, Obras Publika no institusaun sira seluk hahu hanoin kona ba padraun infranstrutura atu realize iha Oe-Cusse.

“ iha momentu ne’e kedas hau dehan patraun Internasional bele dehan katak projetu oin oin lao iha Oe-Cusse hahu iha fulan Marsu no Abril 2015 pakote I no Pakote II Estrada no Pakote II,” dehan Mari. Nia afirma katak Ponte Noefefan tama iha pakote III inklui mos Aeroportu rasik maibe Aeroportu no Ponte Noefefan hahu iha fulan Abril 2015 maibe depois diskusaun teknika ho kontraktu durante fulan 5 nia laran tanba ejijensia kualidade tanba ne’e presiza ekipamentu ida ne’ebe tenke lori mai iha Oe-Cusse hodi realize ponte ne’ebe mak boot tebes.

Nia dehan maske projetu ne’e lao tarde implementasaun obra maibe konsege inagura primeiru Arte Timor Leste nian liu husi Ponte Noefefan. Nia informa katak ponte Noefefan nia durasaun sei to’o tinan atus ida maske iha diskusaun sei dura durante tinan 50 deit maibe hare ba kualidade sei dura ho tempu ne’ebe mak naruk tebes tanba ponte refere ho estrutura regiroju tebes no kualidade internasional.

Nia mos haforsa liu tan katak liu husi ponte refere sei fasilita liu tan komunidade sira nia ekonomia liu-liu sira nia hortikultura tama iha merkadu tanba durante ne’e populasaun sira infrenta estranda bainhira atu lori sira nia produtu mai iha merkadu Oe-Cusse vila maibe liu husi ponte refere sei fasilita liu tan povu no komunidade sira tanba ponte refere iha fatin ba kareta motor inklui mos dalan ba animal sira hodi liu ba mota sorin.

Prezidente RAEOA Mos dehan katak projetu hotu ne’ebe lao iha Oe-Cusse ho nia vizaun atu promove Distribuisaun Interna nomos atu atria Investor Esterna hodi halo investimentu iha Oe-Cusse nomos Timor Leste. Nia informa katak Projetu ne’e implementa ho kustu orsamentu hamutuk Millaun $17.5 ho nia durasaun durante tinan 1 fulan 6 ne’ebe kaer husi kompana PT Adi Karya.

Ikus atu taka nia mos lahaluha agrade ba Parlamentu Nasional, Eis Prezidente Republika Taur Matan Ruak, Ministeriu Obras Publiku Komisaun Nasional Aprovisionamentu inklui mos institusaun sira seluk ne’ebe mak Durante ne’e konsege servisu hamutuk hodi finalize projetu refere. Iha biban nee mos Komunidade Suku Costa Maria Neno sente Orgullu tebes tanba Oe-Cusse nudar Regiaun ne’ebe mak dook husi Kapital Dili maibe liu husi Governu hodi hili Oe-Cusse sai planu ba implementasaun dezenvolvimentu dahuluk iha Timor Leste.

Nia dehan liu husi Ponte refere sei fo benifisiu ba povu Oe-Cusse liuliu povu Citrana nomos Povu lifaun ne’ebe mak durante ne’e infrenta problema iha tempu bai udan maibe liu husi ponte refere povu sira la halerik tan ba Estrada iha tempu uda.

Tuir Observasaun katak depois atu halo inagurasaun Prezidente RDTL Francisco Guterres akompana Prezidente RAEOA Marii Alkatiri, Inklu Ministeriu Relevante nomos parlamentu Nasional inklui mos Konvidadus sira hahu uluk tesi fita husi parte Citrana nian hafoin mai fali Tesi fita ba iha Lifasaun. Iha ingaurasaun refere partisipa maksimu husi Komunidade Oe-Cusse inklui autoridade local RAOA inklui taka ho Konsertu hodi halo animasaun povu Oe-Cusse. (BT)