DILI----Realsiona ho karta ne’ebe mak haruka husi kompañia telekomunikasaun Telemor ba iha Timor Telekom halo asonista uniku timoroan  Julio Alfaro prekupa tebes maibe Telemor deklara karta ne’ebe haruka ba laos ho intensaun atu sosa asaun Portugal Telekom (PT) ne’ebe investe iha Timor Telekom. “Telemor laiha intensaun atu hola sahan Portugal Telekom maibe atu konfrima deit infromasaun ne’ebe oras ne’e sirkula iha Publiku kona ba Portugal Telekom fa’an saham ,” dehan Diretor Telemor Nguyen C. Hoa kuarta feira (11/03)  hodi hatan ba preokupasaun Julio Alfaro ne’ebe Business Timor publika iha edisaun foin lalais ne’e.

Nia dehan Temor nudar mos Investimentu Internasional no to’o agora investe ona iha nasaun 10 iha mundu hanesan Timor Leste, Kambodia, Laos, Peru , Haibi, Monomik, Tanzania, Kamerum, nomos Burundi ,Tan ne’e hanesan Investor Internasional se karik iha telekomunikasaun ruma ne’ebe mak iha operasaun  iha nasaun ne’ebe investe ba mak kompañia telekomunikasaun seluk fa’an ninia asaun  sira mos tenke  fo atensaun.

“Ami laiha intensaun atu hola Saham Portugal Telekom iha Timor Telekom ” dehan Diretor ne’e ba  BT iha nia knar fatin Kuarta 11/03. Nia dehan Telemor fo atensaun tanba Timor Telekom nudar Telemor nia kompetivu ida ne’ebe mos fornese telekomunikasaun ba iha publiku tanba ne’e atu konfirma deit informasaun refere. “Tan ne’e ami haruka karta ba iha Timor Telekom nudar ami nia target ida atu konfirma deit infromasaun ba sira katak Timor Telekom fa’an saham los ka lae tanba bainhira ami le infromasaun iha jornal kona ba ida ne’e no ami hakarak konfrima informasaun ne’e direitamente ba iha Timor Telekom nudar dalan ne’ebe diak hodi hatene klean liu infromasaun kona fa’an nia saham los ka lae,” klarifika nia.

Sujere governu sosa

Alende ne’e diretor Telemor mos dehan Intensaun kompañia Telemor hakarak Governu no povu Timor-Leste  tenke sosa  asaun  husi Portugal Telekom atu bele kontrola Timor Telekom iha Timor Leste tanba Timor Telekom halo ona nia perasaun no servisu iha Timor Leste liu ona tinan 13. “Ami husi Telemor hakarak  governu Timor-Leste mak sei kontinua halo kontrola ba iha operasaun Timor Telekom  iha Timor Leste”, dehan nia. Nia dehan maske  to’o oras ne’e sidauk iha infromasaun katak Investor internasional, ema rai liur  no Governu Timor Leste ne’ebe iha intensaun harakarak  sosa saham Portugal Telekom.

“Agora buat ne’ebe mak inportante mak   Portugal Telekom fa’an nia saham ba se, fa’an ba iha Investor internasional ka investor telekomunikasaun estranjeiru ka ba governu Timor Leste , ida ne’e depende ba iha Portugal Telekom”, dehan nian. Nia dehan Governu Timor Leste mak sei sosa asaun husi Portugal Telekom  nudar pasu posetivu ida hodi halo kontrola no kontinua halo operasaun ba iha Timor Telekom nia servis iha Timor-Leste no Telemor  lakohi Investor rai liur mak hola asaun Portugal Telekom.

“Tan ne’e ami garante katak Governu Timor Leste sei hola Saham Protugal Telekom hodi bele halokontrolo ba iha operasaun iha Timor Leste”, dehan nia. Wainhira BY husu posibilidade ka lae Telemor hola saham Portugal Telekom wainhira iha oportunidade nia dehan Telemor seidauk bele responde ba iha perguntas refere tanba sei hare ba iha presu, benifisiu  tanba Telemor mos halo nia operasaun iha Timor Leste. “Ami hola ka la hola ami sidauk bele resposta perguntas ne’e maibe ami sei hare ba iha nia presu, nia benifisiu tanba ami mos iha Timor-Leste iha mos Mobile Net, se karik ami atu ho ami tenke analiza lai ba iha koneksaun sira no to’o agora ami sidauk iha planu atu hola saham protugal Telekom” dehan diretor Telemor ne’e.

Entretantu tuir  karta ne’ebe mak BT asesu liu husi Sosio balun iha TT katak karta ne’ebe haruka ba iha TT laos husi Ministru Defesa Vietnan maibe husi Diretor Telemor Nguyen  C. Hoan iha loron (25/02/2015) hodi konfrima deit kona ba Infromasaun kona ba Protugal Telekom fa’an sira nia saham tuir infromasaun ne’ebe mak fo sai. (BT)