Inacio Moreira
Inacio Moreira

Inacio Moreira
DILI----Administrador Jeral Universidade Oriental (UNITAL), Armindo Pinto Fernandes hatete se Governu Timor-Leste hakarak sosa  asaun ka sahin kompañia Portugal Telecom iha Timor Telecom diak liu labele mesak maibe tenki loke mos ba setor privadu nasional.

“Labele 100 % diak liu governu porsentu 35% no emprezariu nasional ou internasional 65%  para ekilibriu,”dehan Armindo Pinto ba Business Timor foin lalais ne’e. Nia dehan problema governu atu sosa ou la sosa  ne’e laos kestaun maibe prinsipal liu mak oinsa komunidade iha baze bele sente hotu lina komunikasaun. Tuir akadememiku ne’e katak se governu iha asaun no foti TT sai hanesan instituisaun autonomo ida ne’ebe bele livre halo negosiu, kobransa no planu nia targeitu ne’e diak liutan.

Nia dehan atu hetan ema ne’ebe jere kompañia ne’e se governu sosa ona asaun tenki rekruta ema ida ne’ebe ho nia misaun no vizaun autonomo hanesan emprezariu nasional ida para nia bele iha planu ba futuru oinsa atu harii intituisaun ne’e lao diak no livre. “Se governu mak foti hotu mos ladun diak ne’e ami parte akademia nia hanoin ladun diak ou obriga ema maibe buat ida telekomunikasaun la obriga,”dehan nia. 

Entertantu Vice Ministru Obras publiku no Telekomunikasaun, Inacio Moreira hateten nia parte mos apoiu ho hanoin akademista ne’e tanba ne’e kuandu governu sosa asaun PT sei fo TT ba emprezariu timoroan mak jere. “Hau konkorda ho ideia parte akademia nia hanoin katak ba oin tenki tau ema empreza publika maibe setor privadu ida mak jere,” dehan Inacio. Nia dehan setor privadu mak jere ho  profisionalmente depois mak hatama osan ba estadu tanba ne’e mak  maneira ida diak atu adapta iha futuru. (BT)