DÍLI----Ajensia Dezenvolvimentu Timor-Leste (ETDA) Manajer Januário Mok relata, iha tinan tolu tu-tuir malu hahú husi tinan 2017-2019 prodús ona traballadór hamutuk 600 iha area Turizmu, ne’ebé da-dauk ne’e hetan servisu no balun kontinua estudu iha universidade.

“Iha tinan tolu nia laran ami komesa ona forma joven kuaze 600, iha area setor Turizmu nian de’it, komesa hahú husi tinan 2017 to’o tinan 2019, ne’ebé mak ami prodús ona joven 600 iha ETDA, ba sira ne’ebé mak iha área Turizmu de’it,” dehan Senior Manajer Januário Mok ba Jornalista BT iha CCD, Kuarta (11/03).

Senior Manajer Januário Mok haktuir tan, agora da-daun prodús joven sira, oinsá iha kualidade iha área indústria no Turizmu. “Agora dadaum ami fokus, oinsá ita bele kualidade servisu hanesana joven no Indústria ne’ebé mak ita haree hanesan Turizmu, hanoin ida ne’e mak ita bele fasil, hodi bele garantia empréga iha área ne’ebé mak ita kria,” dehan nia

Tanbá ne’e, konferénsia ida ne’e ita atu koalia kona-bá estratejia Turizmu iha Timor-Leste, buat ne’ebé mak iha interesante mak iha área tolu kona-bá kresimentu chegada turista sira ne’ebé mak tama, kresimentu ekonómia no empréga. Nia dehan, agora Setór ida ne’ebé mak ita haree primeiru mak ita rasik seida’uk defini klaru, turista sira ne’ebé mak tama iha Timor-Leste ne’e to’o agora dada’uk to’o atinjimentu, ninia segada no kategória ba turista ne’e dalaruma ita laiha informasaun ne’ebé mak klaru.

Manajer ETDA esplika, objetivu mai iha ne’e oinsá hakarak ideia bele enkoadra iha ita nia planu ne’ebé mak sira bele halo, liu-liu oinsá mak Setór ida-idak hala’o nia servisu ho sériu, hanesan Sentru Formasaun, oinsá mak bele orienta, no oinsá mak bele prodús ema rekursu humanu ne’ebé mak iha kualidade iha área Turizmu. Nia akresenta liutan, kongresu ida ne’e di’ak, atu nune’e ema hotu kontribui ideia, atu bele ideia sira ne’ebé mak produtivu inovativu kreativu atu bele kontribui, no halo asaun problema ita nia ema iha timor. 

Tanbá ne’e seí kontribui ba parseiru sira ne’ebé mak tama, la’os ona faze ida agora ne’e identifika hela deit, maibé ita tenki tau asaun, oinsá mak ita hala’o asaun. Januário Mok realsa, Sentru formasaun ETDA, halo formasaun iha área kona-bá Turizmu no Ospitalidade, oinsá ita atu komesa turista no fátin Turizmu hanesana demanda, oinsá mak atu orienta iha liu área Turizmu kria formasaun iha turistika, oinsá joven ida bele atu atrai turista sira bele tama nafátin. 

Nia argumenta, maibé mós iha área hanesan setór sira seluk, Ospitalidade ne’e wainhira ita koalia ona kona-bá Turizmu ne’e iha área ne’ebé mak barak, oinsá mak ita bele kria restorante nia kondisaun. Tanbá durante ne’e ETDA ne’ebé mak prodús ne’ebé maiória 80% hetan ona servisu fasil, ne’e iha tinan rua nian laran, 80% kuaze sira hetan servisu, balun ne’ebé mak lahetan servisu dalaruma sira kontinau sira nia estudu. (BT)