DÍLI----Bazeia ba Setór Turizmu iha Timor-Leste seida’uk dezenvolve maximu, parte Ministériu Turizmu Komérsiu no Industrua (MTKI) hamutuk ho Setór Públiku, Setór Privadu no Ajensia USAID hodi organiza Semináriu, kona-bá oinsá fahe ideia ne’ebé produtivu no kualidade hodi hasa’e Área Setór Turizmu iha Timor-Leste hodi atinji ambisaun Governu nian iha tinan 2011-2030 ne’ebé aprova ona iha Konsellu Ministru.

Tuir Asesor Prinsipal MTKI Jaçinto Rigoberto hateten, dialogu ida ne’e importante tebés hodi fó oportunidade ba Setór Públiku no Setór Privadu atu fó informasaun no koñesimentu ne’ebé mak di’ak ho kualidade hodi hadia Setór Turizmu iha Timor-Leste hodi atinji moto Governu nian 2011-2030

“Dialogu ida ne’e importante tebés, hodi fó oportunidade mai ita Setór Públiku no Setór Privadu, atu fahe esperensia no hetan informasaun no koñesimentu kona-bá rumu Setór Turizmu iha Timor-Leste atu bele dezenvolve di’ak hodi atinji anbisaun Governu nian iha tinan 2011-2030” dehan Asesor Prinsipal MTKI Jaçinto Rigoberto diskursu iha CCD, Kuarta (11/03).

Asesor Prinsipál MTKI ne’e haktuir tan, atu atinji Planu estratéjiku Dezenvolvimentu ne’ebé moto Governu nian iha tinan 2011-2030 ne’ebé reseita hetan Millaun $150 iha tinan 2016. “Kona-bá planu estratejiku dezenvolvimentu ne’ebé moto ba tinan 2011-2030, ambisaun Governu nian mak reseita Turizmu hetan Miliaun $150, tuir presu no folin tinan 2016 nian, no empréga iha setór ida ne’e sei hetan rihun $15, ida ne’e seí apoiu husi vizitante husi Internasionál rihun atus rua kada tinan iha tinan 2030 kompara ho rihun $55 iha tinan 15,” dehan Asesor MTKI

Nia esplika, Governu hatudu ona provas empeñamentu no dezempeñu iha area emerjenti ida ne’e, iha nivel global Turizmu nian wainhira estabelese iha planu estratejiku dezenvolvimentu ba tinan 2011-2030, katak Turizmu nu’udar objeitivu prioritariu iha politika nasiona Turizmu nian. Tanbá ne’e nia dehan, Governu hatudu ona provas empeñamentu no dezempeñu iha area emerjenti ida ne’e, iha nivel global Turizmu nian wainhira estabelese iha planu estratejiku dezenvolvimentu ba tinan 2011-2030, katak Turizmu nu’udar objeitivu prioritariu iha politika nasional Turizmu nian.

Ho ida ne’e hakaraka husik hela hau nia apelu ba setór privadu ba sosiedade sivil no orgaun Estadu sira hotu, atu ita tau hanoin ne’ebe mak hamutuk hodi kontribui ba setór ida ne’e husi nivel nasional too iha nivel rural. Alende ne’e mós Diretór Jerál (DJ) MTKI José Quintas akresenta liutan, dialogu ida ne’e hanesan meius ida atu aproveita haloa planu estratejiku Turizmu nian ne’ebé Governu nia moto tinan 2011-2030.

“Dialogu ida ne’e hanesan sai meius importante ida, atu nune’e ita aproveita halo ita nia planu estratejiku turizmu ba 2030 nian, ne’ebé aliña mós ba ita nia politika nasional Turizmu Timor-Leste ne’ebé aprova ona iha konsellu ministru, liuhusi rezolusaun númeru 16/2017,” dehan nia. DJ esplika, dialogu ne’e importante, tanbá iha ne’e iha parte rua Setór Privadu no Governu nian, maibé realidade parte rua ne’e hatudu liman ba malu, Setór Privadu hatudu liman ba Governu no parte Governu mos hatudu liman ba Setór Privadu.

Tanbá ne’e, dialogu ida ne’e, ita atu tur hamutuk fó hanoin ba malu atu nune’e ita bele hamosu planu estratejiku ida ne’ebé hot-hotu nia ideia, ne’e mak husi USAID mós hamosu marka ida katak, Turizmu ne’e ba ema hotu, la’os husi Governu no la’os mós husi Setór Privadu nian de’it. Tanbá ne’e, Politika nasionál Turizmu 2030 iha objeitivu atu hametin identidade nasionál, tanbá ita seí foka liu mós ba Turizmu kultural no Turizmu históriku, tanbá produtu rua ne’e mak bele diferénsia ita nia produtu ho nasaun sira seluk.

DJ José Quintas argumenta, enkuadramentu planu estratejiku politika ne’e nia baze importante mak planu estratejiku 2011-2030, ne’ebé iha konsensu iha parlamentu nasional aprova ona, ne’ebé ita foka liuba. Tanbá ne’e, Planu estratejiku 2011-2030 ne’e klaramente temi dehan turizmu saí hanesan xavi importante ba ekonomia Timor-Leste nian, aliña ida ne’e VI Governu Konstituisional iha tinan 2017 hamosu rezolusaun ida hodi estabele politika nasional 2030.

Nia relata, politika ne’e objetivu principal mak hamutuk tolu, liu-liu kona-bá oinsá atu hasa’e chegada, no kresimentu inklui mós empréga oinsá atu kria kampu servisu ba ita nia joven sira no Tanbá ne’e, labele tuu liman ba Ministériu Turizmu labele servisu mesak, ema hakilar ba Bee, hakilar ba Estrada no Eletrisidade ne’e la’os responsablidade Ministériu Turizmu, ne’e duni iha VIII Governu Konstituisional kria ona komisaun interministerial ba dezenvolvimentu Turizmu nian. (BT)