DÍLI----Banku Nasional Komersial Timor-Leste (BNKTL) hatur fatuk dahuluk ba konstrusaun edifisiu foun BNKTL nian iha Mandarin Díli. Edifisiu foun ne’ebe mak hatur fatuk dahuluk refere gasta orsamentu hamutuk rihun $1.230 hodi halo rehabilitasaun ba iha edifisun tuan ne’ebe mak lokaliza iha Mandarin, Díli.

Tuir Vise Prezidenti Konsellu Administrasaun Banco Nasionál Komérsiu Timor-Leste (BNKTL) António F. Abrante afirma katak BNKTL rasik hasai orsamentu kuaze $1.230 Mil, hodi halo rehablitasaun no hari edifísiu foun ba BNKTL nian iha Mandarin.

“Atu harii no rehablitasaun ba edifísiu foun BNKTL ne’e, responsablidade hosi Emprezáriu Internasional CHINA SHANDONG INTERNATIONAL (CSI) Kompañia Lda, husi nasaun Xina, ne’ebé tuir tender manan, tanbá ne’e BNKTL fó fiar hodi kontratu atu bele harii edifisiu, ho durasaun tempu tinan ida,” dehan Vise Prezidenti Konsellu Administrasaun Banco Nasionál Komérsiu Timor-Leste (BNKTL) António F. Abrante, hafoin remata lansa fatuk da-Uluk ba edifisiu BNKTL Mandarin Díli, Sexta (06/03).

Vise Prezidenti ne’e hatutan, BNKTL kontratu kompañia refere, tanbá kompañia tuir tender ne’ebe loke husi BNKTL ikus mai kompana refere mak sai manan nain hodi kaer obra BNKTL ninia. Nia dehan, Kompañia sira atu halo edifisiiu refere atu rehablitasaun de’it, maibé iha kotuk sei rahun hodi konstrui foun fali. Nia esplika katak rajaun BNKTL halo rehabilitasaun ba edifisiu tanbá hakarak atu atende kliente sira ho dignu.

Nia haktuir tan, dadauk ne’e fatin ne’ebé mak atu simu kliente sira mak fatin ida iha Kaikoli, Timor Plaza nudar provizoriu atu nune’e fasil atu atende ba kliente sira, ida mós iha obrigadu barak, no BNKTL mos iha unidade ne’ebeé mak hamutuk ualu, ida iha DIT, ida iha Notariadu, ida iha UNTL, ida iha Hera, ida iha Atauro.

Tuir Vise Prezidenti Konsellu Administrasaun Banko Nasionál Komérsiu Timor-Leste (BNKTL) António F. Abrante sentimentu, kompañia atu konstrui uma ida ne’e, iha periodu ne’ebé mak tuir kontratu atu nune’e bele utiliza ho lalais. Nia dehan, BNKTL fazeadamente, maibé seí kobre ba Munisípiu hot-hotu, no seí halo konstrui edifisiu foun ba sukursal nian iha Munisípiu hot-hotu.

“Tanbá ne’e, konstrusaun edifisiu ida ne’e, faz parte ingradu ba planu estratejia mediu no longu prazu iha BNKTL, espera emprezariu konstrutor hodi ejekuta obra ba akordu kontratu no bioki, no esperansa tomak, nia rezulta, no kualidade ne’ebe mak diak,” katak nia. Alende ne’e mós Manager Of China Shandong International (CSI) Kompañia Lda. Chen Songtao haktuir tan, Orsamentu ne’ebé atu harii no rehabilita ba edifísiu ida ne’e mai husi BNKTL ho montante $1.230 Mil.

“Kompañia hateten, sira kostumi ona atu harii edifisiu ruma no sira sempre hala’o serimnonia, lansamentu ba fatuk da-uluk, ba orsamentu ne’ebe mak atu konstrui no rehabilita fali edifisiu ida ne’e ho montante $1.2 Mil,” dehan nia. Nia esplika, traballador sira ne’ebé mak atu servisu atu hari’i edifisiu ida ne’e kuaze hamutuk traballador 30 resin traballador husi Xina hamutuk 10 no sidadaun timoroan rasik hamutuk kuaze 20, durasaun tempu tinan ida. (BT)