DÍLI----Dau-daun ne’e VIII Governu Konstituisionál ne’ebé lidera husi Primeiru Minsitru Taur Matan Ruak, ne’ebé fó fiar ba Kompañia SACOM Energia, hodi fornese mina mai iha Betanu iha tinan kotuk, maibe to’o ohin loron Governu seida’uk selu hamutuk Juta $22.

Maibé Kompañia SACOM Energia kontinua fornese Mina mai iha Betanu iha fulan Dezembru tinan 2019, kuaze litru Juta 14, ho kontinuasaun iha tinan ne’e mós Governu Sentral kontinua fó fiar hodi Asina kontratu foun ba Kompañia SACOM Energia fornese tan Mina Litru Juta 17 mai iha Betanu hodi nune’e eletrisidade kontinua lakan.

Tuir Prezidenti Kompañia SACOM Lda. Abílio de Araújo hateten, iha tinan kotuk fulan Dezembru Kompañia SACOM Energia Lda, fornese Mina mai iha Betanu kuaze litru Juta 14, no iha tinan ne’e mós Kompañia SACOM fornese tan Mina litru hamutuk Juta 17, maibé to’o ohin loron Governu Sentral seidauk selu hamutuk kuaze Juta $22.

“Ha’u mai ko’alia ho Primeiru Ministru Taur Matan Ruak atu fó hatene de’it katak, Kompañia Energia SACOM agora dau-dauk ne’e buka apoiu nafátin ita nia Rai no Estadu, ne’ebé Kompañia SACOM fornese Mina mai iha Betanu, iha tempu Natal tinan 2019 nian, hatama litru Juta 14,” dehan Prezidenti Kompañia SACOM Lda. Abílio de Araújo, hafoin hasoru malu ho PM Taur Matan Ruak, ba Jornalista sira iha Palasiu Governu, Segunda (24/02).

Prezidenti SACOM ne’e hatutan, iha fulan rua nia laran kompañia fornese tan Mina hamutuk Litru Juta 17, mai iha Betanu hodi nune’e eletrisidade kontinua lakan to’o ohin loron. “Foin dau-daun husi kompañia SACOM Energia rasik mak fornese tan Mina mai iha Betanu Litru Juta 17 ne’ebé mak to’o ohin loron ahi no eletrisidade lakan kontinua nafátin ba ita nia komunidade sira.

VIII Governu seidauk selu, ne’ebé mak hamutuk liu Juta $22, maibé ha’u mós kompriende ho difikuldade sira hanesan ne’e, maibé keta haluha haree hela ba situasaun ida ne’e, tanbá Mina ne’e ita sosa ho osan ho selu kedas hodi mai iha Timor-Leste ita fornese, maibé selu tarde lahatene los halo nusa.

Prezidenti Kompañia SACOM Abílio de Araújo ne’e argumenta liutan, kontratu fornese Mina iha tinan 2019 to’o deit iha fulan Setembru, husi ne’ebá mai, seida’uk selebra kontratu foun, serake durante ne’e ita fornese mina mai iha Timor ne’e kontratu asina foun ona, ne’e mak inporta mina hahú husi fulan tolu nian, mak ami hatama iha fulan Dezembru ne’e ba kontratu foun nian, kontratu foun ne’e mak ami hatama agora, hatama mos iha fulan tolu nian.

Tanbá ne’e, Timor-Leste moris ho orsamentu duadesimu Kompañia SACOM nafatin koopera ho Governu atu fornese nafatin Mina mai iha Timor-Leste ne’e Maromak mak hatene, ita bangrut karik ne’e ita labele fornese Mina mai ona, ita husu atu nune’e ita labele bangrut iha dalan klaran. (BT)