DÍLI----Atu kontinua atrai kliente kompañia OPPO realiza eventu fahe prémiu oin-oin ba kliente sira hanesan parte ida hodi Selebra tinan tuan no tinan foun ne’ebé ultrapasa dau-dauk ona.

“Kompañia OPPO fahe prémiu ba kliente sira, iha Timor laran tomák, ne’e hanesan festa selebrasaun ba tinan tuan no tinan foun nian, “dehan Koordenadór PIC ba Eventu fahe premiu, Satornino Aniçeto Manuel Gomes, ba Jornalista BT, iha Timor Plaza, Sabadu (01/02)

Nia esplika premiu Motor Mio Street tolu ne’e ba ema manan na’in primeiru lugár nain tolu, Segundu ba TV mós tolu iha mós ema manan na’in tolu, Jeleira ne’e mós iha tolu hodi fahe ba ema na’in tolu, Mesin atu Fase Roupa nian iha tolu tenki fahe ba ema manan na’in tolu, Speaker GBL ne’e ba ema hamutuk 100 no iha TELEFONE OPPO F11 mós ita prepara 5, iha TELEFONE A5 tinan 2020 nian mós ita prepara 5, no iha TELEFONE A9 tinan 2020 mós ita prepara 5, katak ne’e ema manan na’in, la’os ema ida mak hetan 5 maibé ema ida tenki hetan ida ba ema nain 5.

Nia hatutan, fahe premiu ba kliente sira, nune’e sira bele senti kontenti hodi nune’e bele uza nafatin produtu telemovel ho marka OPPO nian. “Ita fahe ona ita nia premiu barak ne’ebé mak ita fó ita nia kliente sira, atu nune’e sira bele senti katak, sira bele hola sasan no hola produtu OPPO, maibé iha rezultadu ne’ebé mak sira hetan hanesan mós premiu,” hateten nia

Tan ne’e nia dehan, programa mak hanesan Undian, wainhira ita nia kliente sira hola ona Telefone ida, kualker Telefone ne’ebé mak ho folin ne’ebé baratu no folin ne’ebe mak ás, maibé ita fahe ona informasaun katak, iha loron hanesan ne’e, ita seí prepara premiu barak ba ita boot sira.

Nia argumenta, seí fahe tuir sorteiu undian ne’ebé mak ita dada, hanesan ita dada undian hetan ita nia kliente ida, no ita seí kontaktu nia, no iha loron ne’e kedas nia tenki mai, hodi nune’e bele halo konfirmasaunm, atu bele fahe ona premiu ba sira ne’ebé iha diretu atu bele hetan premiu.

Kliente sira ne’ebé mak agora dada’uk, hetan ona premiu ou hadia, ne’ebé mak kompañia OPPO prepara ona ne’e mai husi Munisípiu 12 inklui mos RAEOA, laos deit iha kapital Dili. Tanbá ne’e, Kompañia OPPO optimista katak, ita halo atendimentu ne’ebé mak di’ak, atu atrai ema la siknifika, ita tenki fó premiu ba ema lor-loron, maibé atu atrai ema mak oinsá ita bele hatudu nafátin ita nia profisionál servisu, liu-liu ba iha atendimentu públiku.

Alende ne’e mós manan Na’in Motor Mio street Moniz Da Costa senti kontenti, hodi hetan premiu husi Motor ida, hodi nune’e bele utiliza motor hodi buka servisu. “Tuir hau nia sentimentu Orgullu fó Parabens ba Kompañia OPPO, ne’ebé mak servisu kleur ona iha Timor-Leste, tanbá uluk ami mak servisu iha ne’ebá, to’o ohin loron kolega sira kontinua,” dehan nia (BT)