DÍLI----Iha tinan 2020 lori tan novidade foun ba iha povu Timor-Leste maske ohin loron publiku sei kestiona ho situasaun politika ne’ebe lao iha rai laran maibé liu hosi seitor privadu sira kontinua nafatin iha boa vontade hodi hare oportunidade sira ne’ebe mak iha oinsa bele ajuda ekonomia nasaun nian lao ba oin.

Novidade ne’ebe ohin loron iha mak hanesan durante iha tinan hirak liuba presu simente iha rai laran sempre sae-tun tuir situasaun ne’ebe mak iha no dala ruma simente nia folin halo povu balun dada iss hodi halo konstrusaun ba sira nia uma inklui mos dala ruma importasaun simente tarde bele implika mos ba iha konstrusaun infraestrutura balun ne’ebe lao iha rai laran.

Alende ne’e mos dala ruma kualidade importasaun simente balun kualidade ladun diak maibé hakarak ka lakohi Timor-Leste tenke hola tanbá iha rai laran seidauk iha industria ida ne’ebe bele produs semente. Maibé ohin loron Timor-Leste rasik iha ona nia karegamentu simente rasik ne’ebe lokaliza iha area Kaitehu, Likisa ne’ebe loke direitamente hosi empreza timoroan Foo Hau Kiu ne’ebe ho naran Timor Cement.

Investimentu refere oinsa halo Packging ba simente rahun ne’ebe importa hosi rai liur, Packing refere halo deit karegamentu ba simente rahun ba iha saku laran atu oinsa bele garantia nia kualidade iha konstrusaun. Tuir nain ba investimentu Kompaña Foo Hau Kiu hateten katak objetivu hamosu investimentu refete tanbá situasaun iha Timor-Leste hodi obriga nia hodi halo investimentu refere.

“Ita nia rai ne’e simente ne’e too tiha Dezembru-Marsu, semente uluk $6 dolar saku ida, depois too tiha Dezembru tanba sura, entaun fabrika sira barak, jadi semen ne’e mamuk iha sidade laran, to’o simente ne’e folin sa’e ba $8-9 dolar, povu laiha forsa atu hola simente halo uma tanba semente karun hanesan ne’e, dehan nia iha diskursu wainhira halo lansamentu ba Packing semente iha Kaitehu, Likisa, Kinta (09/01).

Nia esplika katak instalasaun, Timor Cement, Timor Cement nia atividade prinsipal mak semen Tekejin dasti, ne’ebe hetan lisensa ambiental, hosi ambiente tinan rua kotuk, sira halo atividade ne’ebé fulan ida, halo pakejin ba semente entre 8-16 mil toneladas, bele dehan tinan ida 48-80-90 toneladas. Nia informa katak hosi investimentu refere konsege emprega timoroan nain 50 mak oras ne’e servisu iha sentru refere.

Alende ne’e mos iha biban hanesan gerente Responsabilidade ba kompaña Timor Cement hateten katak Investimentu refere mai hosi Diretor Prinsipal Sr. Foo Hau Kiu ne’ebe ho kapital investimentu millaun 16. “Investimentu ida ne’e mai hosi nia rasik no la mai hosi ema ida,” katak nia.

Nia afirma katak hosi packing refere sei lamosu monopoli ba iha presu simente iha Timor-Leste tanbá oras ne’e dadaun iha mos kompaña balun ne’ebe mak hahú atu halo investimentu ba produsaun semente iha Timor-Leste. Iha biban ne’e mos Sekretariu Estadu Ambiente Demetrio do Amaral de Carvalho hateten katak investimentu refere hetan ona licensa hosi governu Timor-Leste iha tinan 2 liuba tanbá ne’e kompaña oras ne’e hahú halo produsaun ba simente.

“Ema barak hatete abiente ne’e bareira ba dezenvovimentu, banhira empreza sira halo esforsu hodi, halo tuir lei no lisensiamentu abiental nian, ita limite lisensa ho di’ak no lais, bele garantia mós kualidade servisu, ohin ha’u kontente los, hodi mai hare’e atividade empreza ninian servisu lao di’ak loss portu ida kondtrui ho kualidade, industria ida sira jere ho principal diak teb-tebes, inklui ba sira aspeitu ambiental no seguransa ne’ebé di’ak,” katak nia.

Tan ne’e nia mos husu parabens ba iha empreza tanbá konsege iha hanoin diak hodi loke negosiu iha Timor-Leste no bele ajuda dezenvolvimentu Timor-Leste. Nune’e mos nia mos husu ba timoroan sira ne’ebe mak oras ne’e servisu iha industria refere atu hatudu boa vontade hodi servisu nune’e bele fo kontribuisaun ba pais ne’e.

Alende halo lansamnertu Sekretario Estadu Ambiente Demetrio D. A de Carvalho halao Inspesaun ba iha kompaña Timor Cement ne’ebé halo aktividade packging Cement. Inspesaun nee ho objetivu atu hare direitamenete aktividades Kompaña Timor Cement ne’ebé mak SEA atribui tiha ona lisensamentu Ambiental iha Tinan 2 liuba hodi konfirma kompaña refere halo tuir Duni Regras ou lei lisensamentu Ambiental nia ho kualidade servisu.

“Ohin Hau kontente los mai hare aktividades inspesaun nee mai hare empreza ninian servisu lao diak los, portu ida hari o kualidade industria ida ne’ebé sira jere ho environmental Safety principal diak teb-tebes inklui mos gestaun ba sira ninian aspeitu ambiental ida diak no mos segurasan ba pesoal ne’ebé servisu iha kompaña refere ne’ebé servisu ho kualidade “ Dehan SEA iha Inspesaun nee.

SEA subliña liutan katak hosi Parte Autoridade Ambiental kontinua halo servisu Rutina ambiente nian tamba Ambiente mak admistra lisensa Ambinetal no Avalia dokumentus hotu too lisensas ambinetal inklui ba Inspesiona operasionalisasaun aktividades sira atu garante impaktu minimu ba Ambiente.

”Ita hotu hare ohin tama industria laran hare katak aktividade ida bele dehan industria ida ho kualidade” Hatutan SEA. Aktividades kompaña Timor Cement fulan ida halo packging ba semente hamutuk 8-16 mil toneladas no emprega ona Timor oan 500 resin ne’ebé mak servisu iha kompaña refere. Inspesaun nee hetan Akompañadu hosi membru Parlamentu Nasional Komisaun D, Ministerio Turizmu nomos Diresaun Autoridade Sekretaria Estadu Ambiente. (BT)