DÍLI----Parlamentu Nasionál liu-hussi sessão Plenária aprova ona pedidu hussi Governu kona-ba Debate Urjênsia ba Proposta de Lei nº.9/V (2a) Orsamentu Geral do Estado (OGE) 2020 nian, ho 37 voto a favor, 0 contra no 0 abstenções, iha loron 23 fulan Dezembru tinan 2019.

Recomendação hussi Comisaun C ne’ebé trata assuntu Finansas Públikas kona-ba debate urjênsia mak hanesan prazu audiência pública nian mak loron 5, parecer comissão mak loron 7, máximo loron 3 ba debate generalidade, máximo loron 7 ba debate especialidade, no loron 2 ba redação final.

Iha deklarasaun voto Prezidente Bankada Partidu Demokrátiku, Deputado António da Conceição afirma katak mas que proposta ne’ebé governu apresenta ba Parlamentu Nasionál ne’e hanessan proposta foun, maibé nu’udar kontinuasaun hussi proposta ne’ebé retira ona hussi governu.

Maske Governu la fó rajaun fundamentál maibé proposta ne’ebé importante tebes ba vida nação nian. Iha fatin hanessan, Ministro da Reforma Legislativa e Assuntos Parlamentares, Fidelis Manuel Leite Magalhães, clarifica katak pedidu urjênsia ne’e tanba nação labele moris ho orsamentu duodecimal, maibé presiza moris ho orsamentu.

Sessão Plenária ne’e prezide hussi Prezidente do Parlamentu Nasionál em exercício, Maria Angelina Sarmento, acompanha hussi estrutura da Mesa, no hussi parte Governu nian representa hussi Ministro da Reforma Legislativa e Assuntos Parlamentares, Fidélis Manuel Leite Magalhães.

Tanba antes ne’e iha loron 19 fulan Dezembru tinan 2019 Konsellu Ministru hala'o sorumutuk iha Palásiu Governu, iha Díli no aprova tiha Proposta Lei ba Orsamentu Jerál Estadu nian ba Tinan Fiskal 2020, ne’ebé aprezenta hosi Ministra Finansas en ezersísiu, Sara Lobo Brites.

OJE 2020 prepara haktuir ba prinsípiu fundamentál lima mak hanesan, sustentabilidade fiskal iha tempu médiu no longu prazu nian, aliñamentu ho prioridade nasionál sira, kapasidade ezekusaun orsamentál, kapasidade halo absorsaun ba ekonomia lokál no kualidade orsamentu nian.

Nune’e duni, Konsellu Ministru aprova ona, Orsamentu Jerál Estadu nian ba tinan 2020 ne’ebé ho despeza públika estimada tuir orden US$1.668 millaun (millaun rihun ida atus-neen neen-nulu resin-ualu), inklui reseita ne’ebé mai hosi RAEOA/ZEEMS, UE no Empréstimu, hodi kobre ba nesesidade tomak programa no prioridade nasionál sira ne’ebé VIII Governu Konstitusional defini ona. Proposta foun ba OJE 2020 ne’e sei haruka filafali ba Parlamentu Nasionál iha loron-19 fulan Dezembru tinan 2019.

Ikusliu, Primeiru-MInistru agradese tebes ba ekipa traballu ne’ebé halo revizaun ba OJE, ne’ebé kria iha loron-4 Dezembru, lidera hosi Ministru Estadu Prezidénsia Konsellu Ministrus, Agio Pereira, Ministra Finansas, Sara Lobo Brites, Ministru Transporte no Komunikasaun, José Agustinho da Silva no Ministra Edukasaun, Juventude no Desportu, Dulce de Jesus Freitas. (BT)