DÍLI----Liu hosi Servisu Alfandega ba tinan 2019, hahú hosi fulan Janeiru to’o fulan Dezembru tinan ne’e, Alfandega konsege rekolla reseita tama iha kofre Estadu hamutuk millaun $64.790.824.28. Tuir Diretór Jerál Alfándega José António Fatima Abílio Belo afirma, dadus ne’ebé Alfándega rekolla reseita iha Fronteira Tinan 2019 besik 700.000 Millaun.

“Reseitta Alfándega tinan ida ne’e nian ami konsege ami hetan $64,790,824.28 Millaun, to’o ohin loron dadus mak ne’e ita espera katak, to’o tinan ida ne’e ramata no bele besik to’o 700.000 Miliaun,”dehan , José António Fatima Abílio Belo ba Jornalista sira iha nia kna’ar fátin, Tersa-Feira (17/12/2019)

Nia esplika katak instituisaun Alfándega servisu lamesak hodi kontrolu ba rekolla reseita sira iha frónteira maibé servisu hamutuk ho operasaun Unidade Patrollu Frónteira, Unidade Patrollu Maritima, hodi fó kontrollu ba kasu illegál sira ne’ebé tama mai hosi Frónteira.

“Alfándega nia kontrolu, atuálmentu ami iha dadaun ne’e iha kazu sira ne’ebé mak akontese liuba, ita tenta fortifika, ita nia kontrolo iha fronteira sira ne’e tantu Airoportu, Portu no iha mós operasaun ne’ebé mak konjunta servisu hamutuk ho Polisia sira, UPF, UPM, para halo kontrolo atividade illegal sira liu hosi tasi, aumesmo tempu liuhosi Fronteira, liu-liu kona-ba atividades komérsiais kona-ba Mina, Tabaku sira ne’ebé mak tama barak hosi Fróntéira,”tuir nia

Nia dehan hosi servisu ne’ebe iha hetan mos ajuda hosi Sistema foun ne’ebe ohin loron monta iha Alfándega hodi redus prosesu kontrollu ba iha Fronteira, Alfándega nia ekipa esforsu atu redus tempu ba prosesu. “Ekipa konjunta halo esforsu makaas atu komvate tenta redus, termus hanesan prosesu tanbá ita Alfandega iha hela prossesu, katak ho sistema foun, sistema asegura oin-oin ne’ebé mak ita uza, sistema foun ne’e ajuda tebes ita alfadegas atu kontrolu, no redus mós tempu ba prossesu, mós liu-liu ba desalfandega ne’ebé uluk,”katak nia

“Sistema Dijitál ajuda no fasilita tebes importador no Brokers sira haré’e mós ba klienta sira no importador sira komesa kompleim barak iha, prossesu balun ne’ebé mak dehan falla maibe depois uza sistema ne’e ajuda tebes sira fasilita tebes sira tantu ba importadór sira, tantu brokers sira,” esplika nia. Sistema sira bele prossesa lalais, tanbá prosesu ida agora nudar prossesa Online, Agensia, Siping, Submete Dokumentus no Sistema Sirkula, bainhira RÓ antes sai hosi nasaun sira seluk.

Tan ne’e nia afirma katak Sistema nia vantazem ajuda tebes servisu alfándega, atu redus, prosesu lalais, prosesu komersiál, no redus sitema surat tahan, tanbá ita iha sistema ona atu verifika de’it ona, no liuba dokumentus sira ne’ebé nia prazu liu ona. Ho sistema ne’e presiza troka no mundansa iha prosesu Alfándega.

“Vantajen ida uza sistema ne’e ajuda tebes iha prosesu, no fasilita tebes komersiu, iha parte seluk ita haré’e mós katak, ita uza sistema ne’e redus ona, sistema alerta diretamente, bolu atensaun ba importador sira, no ba broker sira katák dehan iha dokumentus ne’ebé expaier presiza troka, atu ita haré’e katak mudansas sira ne’e ajuda tebes ona iha prosessu desalfandega nian no oinsa atu fasilita komersiu internasional” (BT)