DÍLI----Kompaña HEINEKEN ho laran luak hodi fó apoiu sasan nesesidade baziku ba Instituisaun FOKUPERS hanesan Fos, Mina, Masin, Supermi inklui mos sasan sira seluk tan. Apoiu ne’ebe mak Kompaña HEINEKEN fó ho nia objetivu rua mak hanesan Nudar Prezenti Natal ba Instituisaun inklui mos nudar apoiu ida hodi fasilita diak liutan servisu FOKUPERS nian hodi tau matan ba Inan feto sira ne’ebe hetan violénsia Domestika.

Iha entrega Apoiu refere, Diretóra FOKUPERS Maria José Guterres sente orgullu no agradese ba Kompaña HEINEKEN nia ajuda ba feto Vitima sira ne’ebe ohin loron iha hela uma Mahun. “Hodi Familia FOKUPERES nia naran, hakarak hato’o agradese de’it, ba kompaña HEINEKEN, ne’ebé mak ho laran luak ho inisiativa, ne’ebé mak hakarak fó ba feto ne’ebé mak sofre husi violensia bazeia ba jenerú,” dehan Maria José Guterres iha nia kna’ar fatin iha FOKUPERS, Farol, Sexta-Feira (20/12/2019)

Diretóra FOKUPERS klarifika katak hahu hosi inisiu tinan 2019 to’o ohin loron feto vitima hamutuk nain atus ida ruanulu resi rua, vitima sira ne’e, asistensia hosi, membru FOKUPERS. “FOKUPERS nia servisu hodi fó asistensia, ne’ebé mak adekuadu no mós integradu ba feto, atu imforma mós ba kompaña katak, hahu hosi Janeiru to’o iha Dezembru ne’e ita iha vitima hamutuk ema nain-122 ne’ebé mak hela iha Uma Mahun (Díli) ne’ebé mak fó asistensia direita hosi kolega sira hosi asistensia vitima, tanba FOKUPERS ami iha programa importande ida atu asegura, tamba asistensia vitima ne’e hanesan fuan ba FOKUPERS,”

Vitima sira hela iha Uma Mahun transitorio iha Suai, iha oras 24 oras, no sei entre fila ba ministerio públiku, hamutuk nain hitu nulu resin ida. Iha uma tranzitoriu i iha vitima 71, iha Suai hela kalan ida rua sei entrega nia familia no madre sira iha Salele, no ba iha Ministerio Públiku ga iha Tribunál,” Agradese ba apoiu ne’ebe kompañia HEINEKEN ajuda hodi ajuda ona inan feton sira ne’ebe ohin loron iha.

Iha fatin hanesan Manajer Finance HEINEKEN Timor-Leste Domdinsuren Yadamdor hateten katak apoiu ne’ebe mak kompaña fó nudar prezente Natal nian ba parseiru sira liu-liu hanesan FOKUPERS no apoiu hirak ne’e nudar dalan ida atu oinsa bele hametin diak liutan koperasaun ne’ebe mak iha. “Obridaga barak, tina-tinan HEINEKEN iha atividades hanesan ne’e, iha Natal Kolega sira lori sasan hodi troka prezente ba malu, maibe tinan ida ami iha exame esternal patners, entaun sasan koileta hosi kolega funsionario sira, ami fó fali ba ema seluk,” dehan nia.

Nia mos dehan katak Kompaña HEINEKEN kontinua nafatin atu oinsa bele fó apoiu ba instituisaun sira hanesan FOKUPERS hodi nune’e bele ajuda dezenvolvimentu nasaun nian iha futuru. Tan ne’e nia lori Ekipa HEINEKEN lahaluha mos agradese wain ba FOKUPERS ho nia estrutura tomak ne’ebe mak servisu makas hodi tau matan ba vitima sira. Tuir observasaun katak Sasan sira ne’ebe kompaña HEINEKEN entrega direitamente simu hosi Diretora FOKUPERS Inklui mos Reprezentante hosi Uma Mahun Maliana nomos Suai. (BT)