DÍLI---Relasiona ho Orsamentu Jerál Estadu 2020 hamutuk billaun $1.95 nudar istoria durante ne’e tanba OJE tinan ne’e boot liu halo komparasaun ho OJE antes, tan ne’e Deputada husi partidu CNRT husu ba komisaun atu halo redusaun ba OJE refere.

Tuir Deputada bankada CNRT Virgina Anabela, hatete katak, governu emprinsipiu aseita ho orsamentu refere maibe husi deputadu sira bele hare, atu halo redusaun bazeia ba relatoriu parseriu kada komisoens sira, depois deputadu no deputada sira identifika no analiza, tenke halo duni redusaun ba iha orsamentu 2020 nian.

‘’Ha’u hanoin governu imprinsipiu aseita para atu halo deputadu sira bele hare atu halo redusaun bazeia ba relatoriu pariseriu kada komisoens sira, depois ami identifika no analiza, tenke halo duni redusaun ba iha orsamentu 2020 nian, agora montante ne’e ho numeru ejatu ida mak $1.6, maibe atu fiksu loloos ne’e sei iha diskusaun ida tuir mai ,’’dehan Virgina Anabela, ba jornalista sira iha Parlamentu Nasional (PN) DÍLI, Segunda-Feira (18/11/2019).

Nia dehan ho OJE 2020 ne’ebe montante boot no espera katak iha tempu badak bele hetan numeru ida klaru, oinsa atu kona-ba montante ida ne’ebé propoin mais realistiku. Nia afirma orsamentu ne’ebé iha kada prinsipiu ida tenke hare, primeiru orsamentu ninia ligasaun entre orsamentu ho planu ho orsamentu ne’e prinsipiu ne’ebé governu ka’er hodi halo orsamentu.

‘’Ita la hare de’it ba ezekusaun, ezekusaun ne’e iha pontu ida iha prinsipiu ne’e, primeiru iha ligasaun entre planu ho orsamentu, segundu tenke hare ba ezekusaun orsamentu, terseiru ita mós tenke hare ba sustentabilidade fiskal ne’e signifika katak se ita foti osan bo’ot hanesan de’it iha tinan-tinan,’’ dehan Virgina

Nia klarifika katak TL nu’udar nasaun ida ne’ebé ninia dependensia ba fundu petroliu tuir analiza husi Banku Sentrál no tuir analiza husi ministeriu das Finansas to’o tinan 2027 to’o 2030 orsamentu fundu minarai sei hotu tan ne’e governu tenke kuidadu ho ida ne’e.

‘’Ita fiar katak se tinan oin nia foti ona $1.9 tinan tuir mai nia sei labele foti $1.4 tenke foti 2 ital tinan oin mai 2 tan, ita tenke foti ona hanesan ne’e ita labele tun fali ona, entaun ida ne’e amiasa ba ita nia fundu, sementara agora dadauk ne’e dependensia orsamentu total iha hotu fundu petroliu ,’’dehan Virgina

Nia haktuir, atu hetan fali osan ida substitui bele aumenta ba fundu mak husi dezenvolvimentu greeter sunrice tanbá tuir planu tinan 2026 mak sei iha produsaun, entaun susar tebes-tebes ba TL. ‘’Signifika katak estrutura orsamentu ne’e orsamentu ida ba ita konsumu nian ita hodi han hemu liuliu iha besn servisu, transperensia públika nia montante ne’e labele boot liu orsamentu kapitál tanbá saida mak hatete hanesan ne’e, ‘’dehan nia

Nia mos dehan katak husi orsamentu 2020 alokasaun ba iha kapitál dezenvolvimentu, salariu vensimentu bens servisu transperensia porsentu 73.4 ne’ebe mak boot tebes. Nia mos kestiona ba ejekusaun orsamentu 2019 ne’ebe mak ho montante billaun $1.4 maibe to’o ona fulan Novembru seidauk atinji porsentu 80. Iha fatin hanesan komisaun F Antonio Verdial hateten mos katak orsamentu 2020 nudar orsamentu ida ne’ebe boot liu halo komparasaun ho tinan tinan ne’ebe mak iha.

 “Hau, ladun hafal ida maibé atu hatete de’it jeralmente OJE 2020 hamutuk billaun $1.950 ne’e orsamentu ida ne’ebé bo’ot tebtebes, hahú husi 1º governu to’o 7º governu konstituisional orsamentu seidauk bo’ot to’o $1.950,” katak nian. Nia dehan ho orsamentu ne’ebe iha komitmentu parlamentu nasional no membru hotu-hotu husi komisaun iha komitmentu atu hare didiak ninia alokasaun, estrutura orsamentál.

‘’Sé karik latuir orsaméntu estrutura ida ne’e maka membru hotu-hotu husu atu ezekuta didiak, hare didiak hodi hatur tuir estrutura orsamental, no orsamentu ne’ebé liga ba kapitál dezenvolvimentu tenke liga ba kapitál dezenvolvimentu, labele hatur fali ba transperensia publiku, no orsamentu ne’ebé hatur iha transperensia publiku tenke hatur duni iha transperensia publiku labele hatur fali ba kapitál dezenvolvimentu,’’ dehan António. (BT)