DÍLI----VIII Governu liu husi Ministériu Transporte no Komunikasaun (MTK) seí kría kondisaun ruma iha Aportil Díli, atu nune’e pasajeiru sira ne’ebé hein ro iha Portu Díli hodi halao viajen ba iha Atauro nomos Oe-Cusse.

Tanba durante ne’e pasajeiru sira ne’ebe hein ro iha portu laiha kondisaun hodi deskansa inklui labarik sira tanba laiha mahun ba sira no ikus mai kria risku dezastre tráfiku iha estrada públiku, tanbá ho kondisaun ne’ebé mak ladun sufiente ba sira.

Tuir Ministériu Transporte no Komunikasaun (MTK) José Agostinho da Silva hateten, Governu sei iha komitmentu oinsá atu kría kondisaun bele dignu ba komunidade sira ne’e atu hala’o movimentasaun ba Illa Ataúro no RAEOA, tanbá durante ne’e hein Ró iha loron manas no udan.

“VIII Governu liu husi MTK iha komitmentu, oinsá mak bele kría kondisaun ne’ebé mak bele fó dignu ba sira, hodi nune’e bele hein Ró ba Illa Ataúro no RAEOA, tanbá ne’e komunidade sira hein Ró Alfandega ne’ebá hein iha loron manas no udan,” dehan MTK hafoin akompaña enkontru Konsellu Ministru ba Jornalista sira iha Palásio Governu, Kuarta-Feira (20/11/2019).

Governante ne’e hatutan iha vontade tomák sei haree situasaun sira ne’e, maibé mós sei iha Diresaun rua mak iha planu atu nune’e kría kondisaun ne’ebé mak dignu ba ita nia komunidade sira.

“Governu iha vontade tomák, oinsá mak bele hare situasaun sira ne’e, maibé iha ne’ebá husi Diresaun Nasionál Transporte Marítima no Aportil, ne’ebé mak ne’e sei haree ba situasaun sira ne’e, oinsá mak bele tau planu ida, atu nune’e bele kría kondisaun ne’ebé mak dignu ba ita nia komunidade sira,” afirma nia

Tanbá ne’e sei tutela ba Aportil ninia Área, iha ne’ebá ho ninia estrutura ho Prezidenti Portal nia planu, feri ne’ebé mak finansia husi Japaun liu husi JICA, oras ne’e dadauk ninia konstrusaun ne’e progresu konstrusaun ne’e tama ona ba faze finalizasaun. MTK espera tempu badak iha inísiu ba tinan 2020 sira bele hen ouver, maibé ida ne’e depende ba progresu konstrusaun iha ne’ebá.

Governante ne’e afirma, oinsá mak ita bele kría kondisaun ne’ebé mak dignu ba pasajeiru sira, liu-liu ba ita nia populasaun ne’ebé mak atu halo movimentasaun hodi utiliza transporte marítima nian, no oinsá mak ita bele kría kondisaun di’ak ba ita nia komunidade sira ne’ebé mak atu hala’o movimentasaun ba Illa Ataúro no RAEOA.

Tanbá durante ne’e realidade ne’ebé mak ita hotu haree ho matan, ba fátin ne’ebé mak durante ne’e iha, uluk ema Indonezia sira maka halo hela iha ne’ebá ne’e, maibé ita nia komunidade sira ne’ebé mak durante ne’e atu halo movimentasaun ba Ataúro no RAEOA.

Nia deahn dalaruma bele akontese antri bele to’o mai estrada públiku, ne’e bele kría ingradamentu no bele mós risku ba dezastre tráfiku ne’ebé mak sempre akontese ba ita nia komunidade. Tamba ne’e sempre tenta nafátin, no asuntu ne’ebé mak prioridade no urjenti no nesesita duni, oinsá mak bele tau ba planu ho ninia finansiamentu ne’ebé mak sufisiente atu nune’e bele asegura ba planu sira ne’e. dehan nia. (BT)