DÍLI----Organizasaun non Govermental FONGTIL deklara katak iha VIII Governu konstituisional nakonu ho Asesor ho salariu ne’ebe bo’ot maibe hare fila fali ba servisu la hatudu rejultadu ne’ebe diak ba iha publiku.

Tuir Diretor ezekutivu FONGTIL, Daniel Santos Do Carmo hateten asesor nia salariu bo’ot tanbá iha ninia implikasaun, ba órsamentu de estadu no tinan-tinan gastu órsamentu ba funsionariu no asesor sira ne’e barak liu.

“Asesor barak ne’e nia implikasaun mak órsamentu Jerál estadu ne’e, aloka ba bens servisu ne’e bo’ot tanbá ita seidauk sura funsionario públiku, ita seidauk sura apoitmen politik, ita seidauk sura asesor sira,”dehan Daniel Santos Do Carmo ba jornalista sira hafoin realiza enkotru ONG ho sosiedade sivil iha salaun FONGTIL, Kaikoli, Kinta-Feira (21/11/2019)

Daniel deklara katak asesor sira barak maibé sei problema iha atendimentu ba publiku sei fraku. Sai asesor tanbá de’it partidu politiku no kolega. Salariu bo’ot maibé asesor la ho meritu. “Asesor barak maibé ita atendementu publiku, rejultadu servisu sei problema. Asesor barak ne’e atu halo saida? Ita deskomfia katak, asesor ne’e laos asesor ne’ebé ba ho meritu maibé tanbá asesor ida kolega politiku,”katak nia

Nia deklra asesor barak tenke atendimentu ne’ebé kualidade, tanbá tinan-tinan governu gasta osan barak. Maibé asesor laiha rejultadu, asesor han hotu de’it osan maibé laiha rejultadu. “Asesor barak ho salario bo’ot wanhira atendimentu ba publiku di’ak ba ita nia povu ne’e la iha problema, tanbá asesor produs rejultadu, maibé asesor barak mak laiha rejultadu ne’e gasta osan de’it” tenik nia

Diretor ezekutivu FONGTIL, Daniel Santos Do Carmo husu ba governo atu redus asesor sira ne’e tanbá asesor barak liu, laiha rejultadu atendimentu ba públiku. “Governsaun iha efetivu ne’e ema oitoan de’it, tenke redus, ita iha ema oitoan maibé ita efetivu ne’e atinje nia rejultadu,”katak nia

Iha rekursu barak maibé ninia rejultadu laiha, tanbá ita iha rekursu ho intensaun atu fahe rekursu maibé laos ba rejultadu. Nia husu ba governo atu resdus asesor sira tanbá asesor barak mós la atinje nia rejultadu, tinan-tinan ita gastu osan de’it. Nia hatan katak iha ninia kausa ba estadu mak ita nia órsamentu sei hotu lalais. Tanbá fundu minarai ne’e hotu lalais tanbá ita nia osan fundu minarai ne’e oitoan de’it no la garanti ba osan rezerva atu tama fali. (BT)