DÍLI----Ministériu Estadu Prezidenti Konsellu Ministru (MEPKM) Agio Pereira iha loron Tersa-Feira (29/10/2019) simu Prezidenti Unidade Negósiu Austrália Osidentál ne’ebe husi Kompaña ConocoPhillips, Chris Wilson no Reprezenta husi Kompaña Petrolíferu Austráliana Santos Limited hodi Aprezenta ba Governu Timor-Leste atu nune’e kompaña Santos Ltd bele responsablidade tomak iha Bayu Undan.

Tamba Vizita Reprezentante ConocoPhillips no Kompaña Santos Limited mai iha Timor-Leste hanesan vizita dahuluk nian, desde ConocoPhillips fa’an ativus Tasi Timor husi Petrolífera Amerikana ba Petrolífera Australiana no ida ne’e mos hanesan dalan ida atu Aprezenta no Reprezenta sira husi Kompaña Santos Limited ba Governu no Parseiru sira husi Timor-Leste.

Tuir Jerente Nasionál ConocoPhillips, José Lobato Gonsalves hateten objetivu husi hasoru malu refere oinsa halo introdus kona-ba Kompaña Santos Ltd, hodi aprezenta ba Autoridade Timor-Leste, tamba Kompaña Santos Ltd involve ona iha Bayu Undan. “Objetivu hasoru malu ne’e atu introdus Kompaña Santos ba Autoridade Timor-Leste, Kompaña Santos involve ona iha Bayu Undan desde inísiu,” dehan Jerente Nasionál ConocoPhillips, José Lobato Gonsalves,” dehan

Jerente ne’e hatutan Kompaña Santos Ltd ba Autoridade Timor-Leste tamba iha loron 13 fulan Outubru tinan ne’e Kompaña ConocoPhillips anunsia sei fa’an ninia negósiu ba Bayu Undan. “Mai introdus Kompaña Santos Ltd ba iha Autoridade Timor-Leste, tanba iha loron 13 fulan Outubru tinan 2019 husi ConocoPhillips fo anunsiu katak, sei fa’an ninia negosiu Bayu Undang,” afirma nia

Tamba ne’e Negósiu sira ne’ebe involve inklui mos hanesan Bayu Undan ne’ebe rezerva sira seluk ne’ebe hanesan Baroza, maibe mos inklui eskitóriu iha Darwin Australia no iha Dili, Timor-Leste. Jerente José klarifika prosesu transasaun ne’e ho hanoin sei lori fulan hira nia laran, iha primeiru trimestral ba tinan 2020, ne’ebe transasaun ne’e remata nune’e ConocoPhillips sei husik Timor-Leste no ninia prezensa sei troka ho Kompaña Santos Ltd.

Tamba Kompaña Santos Ltd involve ona iha Bayu Undan, maibe iha transasaun ida ne’e ConocoPhillips fa’an ninia Kompaña sira ne’ebe kaer mos hanesan iha Bayu Undan. Tamba ne’e partisipasaun Bayu Undan sei Kompaña Santos Ltd mak sei hotu no responsablidade tomak. Jerente ne’e hatete fa’an ne’e anúnsiu iha loron 13 Fulan Outubru tinan 2019, tamba momentu iha ne’eba nasaun Amerika mak fo anúnsiu no presesu ne’e sei lori iha fulan hirak nia laran.

Nia haforsa tan transasaun mak hamutuk Milaun $1.3 ne’e la’os deit ba Bayu Undag, maibe mos ba rezerva sira seluk ne’ebe mak iha teritorriu Australia ninian, hanesan baroza ho sira seluk tan. Tamba ne’e orsamentu hamutuk Milaun $1.39, maibe ida ne’e inklui mos ho asset sira seluk, la’os deit ba Bayu Undan ninian. (BT)