DÍLI----Governu Liu hosi Sekretariu Estadu Kooperativa (SEKoop) Hamutuk ho Eis Primeiru Ministru Xanana Gusmão Lansa Fatuk Dahuluk ba Sentru Prosesamentu Sorghum. Tan ne’e Governu mos kompromete katak sei hari’I sentru Prosesamentu Sorghum Iha postu Administrativas hotu.

Tuir SEKoop Arsenio Pereira hatete ohin loron VIII Governu konstitusional liu hosi SEKoop hamutuk ho Lider Nasional Resistensia Kay Rala Xanana Gusmã ofisialmente halo Lansamentu Nasional dahuluk ba Sentru Prosesamentu Sorghum (Batar Kay Rala) iha suku Gisu, Postu Adminnistrativa Maubara, Munisipu Likisa, i sentru ne’e hanesan Sentru Integradu ba Munispiu hotu.

“Ita hahu ho fatin ida ne’e, iha ne’e hau em nome do Governu da Ualu liu hosi Sekretariu Estadu Kooperativa deklara katak sentru mak ida ne’e tamba ita halo primeira lansamentu nasional ba sentru kooperativa integradu,” hateten SEKoop Arsenio Pereira ba jornalista sira depois de remata Lansamentu iha Suku Gisu, munisipiu Likisa, Tersa-Feira (29/10/2019).

Nia dehan, Sentru ida ne’e hanesan Sentru Integradu tebes ba Prosesamentu Sorghum nian tanba ida ne’e mak ohin tau fatuk dahuluk mak nia na’in rasik mak tau no sentru ne’e iha kedan makina ba prosesamentu sorghum nian rasik. “Ita tau primeira pedra, na’in ba Sentru ida ne’e Kay Rala Xanana Gusmão mak tau uluk, apoiu hosi membru Governu na’in tolu signifika katak ida ne’e sai ona Sentru ida ne’ebe ke ita tau nia naran ba,” Katak nia.

Alende ne’e nia mos husu atu halo prevensaun ba Sentru ida ne’e sei tau naran hosi Batar Kay Rala ne’e rasik tanba imi hotu deside ona katak Batar ida ne’ebe ke ohin hot-hotu lansa, hot-hotu kolleta, hot-hotu Konsumu no sai Batar Kay Rala maibe iha Sentru ida ne’e nia sai Sentru Kay Rala Xanana Gusmão.

“Hau husu ita hotu ninia prevensaun katak fatin ida ne’e ita sei tau tan Sentru Maun Bo’ot Kay Rala Xanana Gusmão, hosi ohin ba ohin Sentru ida ne’e ita sei reafirma tan katak ita nia protector ita sei tau Sentru ida ne’e ninia naran,” hateten nia. Nia haktuir, Sentru ba prosesamnetu Sorghum rasik la’os halo deit iha Munispiu Likisa maibe sei hari’I tan sentru prosesamentu Sorghum nian ne’e iha postu administrative sira hotu tuir nesesidade ne’ebe mak iha.

“VIII Governu liu hosi SEKoop rasik atu hari’I sentru prosesamentu la’os halo deit iha Munisipiu Likisa maibe ami sei alastra ba munisipiu sira hotu tuir necesidade ne’ebe mak iha,” dehan SEKoop Arsenio. Nia dehan, Kada postu ida sei halo sentru kooperativa integradu ida, maibe buat balun tenke kordena hotu ho Terras Propriedade hafoin hari’I sentru prosesamentu ba Sorghum iha postu hotu.

Nune’e ba futuru sei uza sentru hodi halo jestaun oinsa mak sai sentru integradu ida hosi produto kooperativas nian liu hosi produto komunidade nian hodi bele ba fa’an iha merkadu. Tanba hanesan governu hare kona-ba sentru prosesamentu Sorghum iha suku Gisu, rai ne’e oferese direita hosi autoridade lokal suku refere ne’ebe hamutuk ho komunidade sira.

Nomos iha Sentru ne’e kompleta ona ho makina prosesamentu ne’ebe hola ho orsamentu transferensia publiku hosi Sekretriu Estadu Kooperativa. Alende ne’e “Lansamenstu Fatuk dahuluk ba sentru Prosesamentu ne’e hetan partisipasaun hosi Sekretariu Estadu Ambiente (SEA) Deométrio do Amaral de Carvalho, Sekretariu Estadu Komunikasaun Sosial (SEKOMS) Merício Juvinal dos Reis “Akara” nomos Ajensia Relevante sira Inklui Autoridade Lokal no parte Seguransa,” (BT)